Offiziells 2012- Sensationell 2 x Silber und Kupfer!

Veröffentlicht am
2
Pfyffer Einzel Jungi Garde: Michelle Unternährer Rang 2 – GässlerTamboure Einzel Stamm: Sascha Herzog Rang 2 – Winschdi

Pfyffer Einzel Jungi Garde: Michelle Unternährer Rang 2 – Gässler und Tamboure Einzel Stamm: Sascha Herzog Rang 2 – Winschdi

Härzligi Gratulation an alli wo am Offizielle 2012 mitgmacht hänn! D’ Sensation isch perfekt mit zweimoligem 2. Rang vom Sascha Herzog (TA Stamm) und  Michelle Unternährer (PF Jungi) und zweimoliger 3. Rang platzierig in dr gmischte Gruppe bi de Alte und im Solo Duo mit Spalebetailigung!!!!

Im Final 2012 isch d’Spale in allne Kategorie Verträtte gsi woruf mir stolz könne si und es sinn folgendi sensationelle Plätz belegt worde:

Weiterlesen →

Blaggedde – und anderi wichtigi Infos

Veröffentlicht am
Kommentar

Fasnachtsplakette2012

Blaggedde ka me jewyls am Donnschtig bim David am achti nach dr Iebigsstund im
Schuelhuus (und natürlig au am Intärne) bezieh.
Bitte bstelled aber die Blaggedde jewyls bis am Mittwuch zʼObe vor, uffs

„Spale-Blaggeddefon“   061 / 321ʼ71ʼ77   (bitte mit Vor -und Nochname bis jewyls am Mittwuch d’ Bschtellig ufgäh) Details: Blaggeddeussgoob JG 2012

  • Im Auftrag von den Gruppenchefen (Michi Jerlo, Philipp Eckerlin) findet kommenden Donnerstag (19.01.2012) für sämtliche Klassen KEINE Übungsstunde im Schulhaus statt, da das Offizielle Preistrommeln und -pfeifen stattfindet und die meisten Instruktoren deshalb abwesend sind.
  • JG-Glaijoggi Termine: GLAIJOGGI Termine 2012

Blagedde-Verkaufsbryys:
Gold: Fr. 45.– / Silber: Fr. 16.– / Kupfer: Fr. 8.– / Bijou: Fr. 100.– Dir zahled bim Bezug:
Gold: Fr. 40.50 / Silber: Fr. 14.50 (13.50 war eine falsche Angabe im Brief)/ Kupfer: Fr. 7.50 / Bijou: Fr. 90.- (Dir verdiened also öppe 10% pro Blaggedde !)

Spaledöörli 2012 – Integrierig

Veröffentlicht am
1

S Intärne Bryysdrummle und -pfyffe vo dr Junge Garde isch die Saison unter em Motto “Integrierig” gstande.  Zämme mit em türkische Mergim Muzzafe isch s’ Publikum in fremdi Kulturkreis integrieret worde! Wie allewyyl het am Noomidaag  d Konkurränz vo de Junge stattgfunde. Nach emene feine Nachtässe isch z Oobe dr ultimativi Integrationsworkshop duuregfiert worde. Bissigi und unterhaltsami Rahmestiggli und  fasnächtlichi Musik hän dä Oobe zumene speziell glungene Aalass für d’ Spalefamilie gmacht.  E ganz dicks Lob ans Ok und insbesondere em Hämpfeli.

Weiterlesen →

«SPALADIES» GWINNE S GLYGGEGRIMPELI 2011!

Veröffentlicht am
Kommentar

Foto v.l.n.r : Céline «shag» Saladin, Janina «muri» Stöckli, Stephanie «stocki» Hediger, Lara «zubi» Schenk, Hannah «strelli» Berns, Salome «granit» Glaser, Silvana «beni» Engel

Zächi aber erfolgrychi Verhandligge mit de baide scho mit aim Bai – ainere Hand im Stamm pfyffende Lara und Janina und s knallharte Trainingslager und natyrligg die mental tipp toppi Turniervorberaitig hänn zemene iberraschende Coup gfiehrt. D «SPALADIES» hänn dangg em bessere Goolverhältnis (schynts) obenusgschwunge und dr Pott kenne haibringe! [und s kenne erscht no alli no laufe und geen unverletzt in d Ferie!
Härzligge Dangg fir e glatte Sunndig – bi stolz uff euch ;-)
«thorsten» Hedi (der mit dem Kessel tanzt…)

Weiterlesen →

S’ Spalebiechli – JG Infos

Kurzmitteilung

Kommentar
Bettina Meier, Obfrau Spale Jungi Garde

Bettina Meier Obfrau JG

d’ Spale JG het e neui Obfrau d’ Bettina Meier und die git jetzt zämme mit em JG Vorstand die neui Infobroschüre vo dr Jungi Garde – s’ Spalebiechli uuse wo alles rund um die Junge und um d’ Spaleclique stoht… do muesch driiluege

s’ Spalebiechli kasch doo abelaade: Spalebiechli

Spalapfi 2011 – Thema „SpaleTV“

Veröffentlicht am
Kommentar

Samschdig, dr <<AneFahreUspaggeThemaKennelerne-Daag>>

Es isch widr emol so wyt gsi. D’ Spalapfi-Deilnäämer hän sich am Samschdig, em 11. Juni 2011 am viertel vor Nyni am Morge gegeniiber vom Badische Bahnhof troffe und sin denn mitem Car uf Herrischried gfahre. Das liggt oberhalb vo Bad Säckingen im grosse Kanton.
Nachere kurzwiilige Fahrt sin mir denn vo de räschtliche Leiter vorem Huus empfange worde.
Nach dere härzligge Begriessig hän mirs uns in unserene Zimmer gmietligg gmacht und e baar Sache uspaggt. Am Beamer und dr Lyynwand, wo im Ässzimmer gschtande sin, het me gmergt, dass au dr Tortellini (s’Hämpfeli) dr Wäg do uffe nach Herrischried gfunde het. Voller Vorfreud uf d Präsentation vom Thema (ebbe mit Beamer und Co.) hän mir uns am Nomidaag im Spyssaal troffe.
Denn isch s grossi Gheimnis glüfftet worde: S Spalapfi 2011 wird unterem Name „Spale TV“ stattfinde. Grad aschliessend an die Vorstellig hets no e glaini Ifierig ins „Film-Business“ gä. Uff was muess me luege bim Filme? Welli Kameraystellig sott me benutze? Das und viil meh hän mir an däm Nomidaag glernt.
D Laiter hän sich scho sehr viil Gedangge gmacht, was me für Themene könnt dreihe. Doch für die Umsetzig hän mir zerscht mol Gruppe miesse mache. Schnäller als erwartet sin die Gruppe zschtand ko und me het könne loslege. Zerscht hän mir uns in de Gruppe beroote und abgsproche, denn hän mir eins usgwählt und schliesslich het me e sogenannts Story-Board miesse verfasse. Dört inne stoht ganz genau, was in dere Szene alles vorkunnt und wie d Kameraystellig muess si. Was die verschiedene Gruppierige alles so usgwählt hän, will ich jetzt aber nid priisgä!

Weiterlesen →