Spaladies am Glygge Grimpeli 16./17. Juni 2012
S Maitli Team „SPALADIES“ (wie genau spricht me das jetzt us?) isch als Titelverteidiger aadrätte. Hochmotiviert, hocherhitzt, (fascht) hochbegabt, hocherfolgrych…
Spaladies goes for Final !!!!
Nach emene 1:0, 0:0 und emene 5:0 plus zweimool 3:0 forfait isch me als Vorrundesyger
souverän in d Halbfinals yzooge. Nachdäm d Petra emene Saupfund vo soneme saubleede Schutter niidrgstreggt worden isch (Notfall und allem drum und dra – Merci Flo…) und drfir d Melanie drzuegstoosen isch, hett dr ney Maischtercoach Baschi Lehmann wiidr us em Volle kenne schepfe. Dausig Chance und e 4:0 hänn d Spaladies in Final brocht – *sing* Finaaale ooohoo – Finaaaleeeee ooohoooo…
Dert hett s denn nit ganz glängt – geege die, wo si 0:0 gmacht hänn am Samschdig.. – aber irgendwie isch’s no glych gsi – d Mädels sinn supertoll gsi und kaini muess dä wiescht Pokal dehai ha…;-))
DANGGSCHEEN FIR EUREN YSATZ – Merci Ria fir d Stülpe und d Hoose, Merci Nicole
Romano-Doppler (Neupfyffere bi dr AG) fir d Schiinbaischoner – Merci dr Familie Stalder fir d Unterstitzig als „RundumFans“ – Merci Bettina fir d obfrauliggi Unterstitzig!!!
Drby sinn gsi – HÄRZLIGGI GRATULAZION!!!!!:
- Hannah „dasch emoll e Gool“ Berns
- Melanie „isch scho Sommer?“ Bonato
- Silvana „der Aufräumer“ Engel
- Stephi „Vale hau se um“ Hediger
- Ria „Delgado“ Meyer
- Natascha „der Terrier“ Stalder
- Petra „Kopfball“ Zimmermann
- Céline „die Gazelle“ Saladin
- Baschi „Heiko“ Lehmann
- Florian „Berni“ Stähli
- Andrin und Fabian „Hooligans“ Leimgruber
D Görls freue sich uff näggscht Joor und bitte dr JG-Vorstand au e Binggis und e JG
Mannschaft zmälde – bi baide Kategorie schutte übrigens als wie me Maitli…
Me sait, dass die jüngere, wo z’alt fir die Junge sinn, e gmischts Team wänn stelle – „Hallo“; do ka dr Stamm sich denn nit drugge – do muess e GruftiMannschaft aane… 😉
**Was frisst die Kuh? – was frisst die Kuh? // Heu! – Heu! – Heu!**
Mir sinn stolz uff unseri Mädels!!!
Benthaus
