Spale am 2. Eidgenessisches Damboure- und Pfyfferfescht
****SPALE-Flash****
2. Eidgenessisches Damboure- und Pfyfferfescht
Die Jungi UFS hett am Wuchenänd in Savièse (VS) am 2. Eidgenessisches Damboure- und Pfyfferfescht dr “Schwyzermeister”-Titel verdeidigt und darf sich nomoll vier Joor die bescht Gmischti Sektion vom Schwyzerische Tamboureverband nenne.
Drzue hett d Pfyffer Sektion dr erscht Platz wiidr zrugggholt und d Damboure Sektion isch als drittplatzierti (T2) die bescht Basler Gruppierig gsi.
Vo dr Spale sinn drby gsi: Georg Angehrn, Olivier Boog, Florian & Stephanie Hediger, Ria Meyer, Céline Saladin, Michelle Unternährer, Moritz Würth
Drzue isch als Pfyfferinstruktor wiidr dr Florian Stähli und als (Co-)Damboureinstruktor dr Christian Walk meh als mitverantwortligg gsi fir dä tolli Erfolg!!
Im Ainzelwettkampf bi de Damboure hett dr Moritz um ai Rang dr Final verbasst (wie verglemmi scho am Offizielle…) – e Kranzusszaichnig isch aber dr verdient Lohn fir die spitze Laischtig.
Dr Olivier het dr Kranz um ai Platz huuchdinn verbasst – henu; trotzdäm hervorragend.
Bi de Pfyffer hett d Stephanie dr fantastischi 2. Rang bi de “Pfyffer 1” uuspfyffe – nodäm sy d Quali no gwunne hett! (Dr Nico Schurter losst griesse…). Do en anderi UFSlere erschti worden isch, hett
sich die aafängligg Entdysschig schnäll gleggt! D Ria (19.) und dr Georg (22.) hänn sich mehr als prächtig ghalte bi ihrer Première amene Eidgenessische Fescht.
Härzliggi Gratulazion
P.S.: mit dr Fränzi und em Fabian sinn au zwei Spalemer als Juror drby gsi – dodrmit Spale an allne Fronte – schaifach e diggi Sach…
****************
Grussi
hedi
Links:
