Offiziells 2013-1x Silber, 1x Bronze und e super Cliquekünschtler!
Härzligi Gratulation an alli wo am Offizielle 2013 mitgmacht hänn! Es het sensationelli Finalplatzierige gäh mit 3 Einzelpfyfferinnne im Final ! (Nicole, Dominique, Claudine) em Sascha wo si Könne als Tambour erneut im Final zem Beschte gäh het. Zwei Pfyffergruppe im Final drvo no eini in de Räng !! Dr gmischte Gruppe hets jo knapp nit ins Final glängt aber im Solo Duo sin 3 Gruppierige mit Spalebetailigung im Final gsi (Sascha/Katrin(w), Christelle/Christian, Claudine/Dominic(w))- eifach Super! Und unsere Cliquekünschtler het au an d’ Segg miesse und het e super Helge gmoolt!
Mir könne also au das Johr wieder stolz si uf die unseri Spale und zwar uff alli wo am Offizielle mitgmacht hän au wenns nit allne in dr Final glängt hät. Denn es ghört e gueti Portion Muet drzue sich uff ere Bühni gäge enander z’Mässe! Mir
hoffe ihr machet wyter so au bi de Junge und gratuliere allne ganz härzlich au für die tolle Saal platzierige!
Cliquekünschtler Einzel
E neui Konkurränz-Kategorie wo unsere Cliquekünschtler dr Patrick Richterich klar d’ Nase vorn ka het!! Jede Stammverein het e Helge dörfe gschtalte und die sinn denne als Trophäe in d’ Wohnstube vo de rangplatzierte Finalischte vergäh worde. E tolli Idee wo e wytere Yiblick in d’ Cliquene git.
Pfyfferinne Einzel
Stamm: Nicole Meyer-Lehner Rang 6 – Papillon
Stamm: Dominique Saladin Rang 10 –
Stamm: Claudine Rippstein Rang 13 – Rhysprung
Tamboure Einzel
Stamm: Sascha Herzog Rang 5 –
Pfyffergruppe Stamm:
Rang 3 – Papillon: Nicole Meyer, Niggi Zittel, Sarah Zwiller, Flavio Magliozzi, Claudine Rippstein, Laurent Burdet
Rang 5 – Arabi : Stephanie Hediger, Dominique Saladin, Janina Stöckli, Pascal Sarti, Julia Herter, Céline Saladin
Solo Duo
Finalsegen im Solduo mit Spalebeteiligung:
Rang 2 – Nunnefirzli: Herzog Sascha & Minder Katrin – Wild
Rang 10 – Rhysprung: Plattner Dominic & Rippstein Claudine – Wild
Rang 7 – Yankee: Walk Christian & Palma Christelle
und natürlich au allne andere wo sich muetig gmässe hänn und s’ Final nur knapp verfählt hänn… härzligi Gratulation zu de Saalplatzierige!!!
Links:
Bilder
Au viele Dank an d’ Sonja Widmer wo e dail vo de Bilder gmacht het! merci