Kumm doch zer Spale

Kumm doch zer Spale

           

jg_flyerHett di s Fasnachtsfieber paggt? Bisch e Maitli oder e Bueb ab dr erschte Klass? Wottsch au Fasnacht mache? Denn bisch bi uns genau richtig!
In unserer Junge Garde kasch mit e huffe andere Junge s Ghaimnis vo dr Fasnacht entdecke. Du leersch bi uns in dr Pfyffer- und Drummelschuel au alli Grundlage zem aggtiv an dr Fasnacht z pfyffe und z drummle.

Die näggschte Yyschryybige fir die Jungi Garde finde am Samschtig 27. Februar und 05. März 2016 statt. Kunsch eifach am Noomidaag zwüsche 14:00h bis 16:00h in Spalekäller. Dert kasch erfaarene Fasnächter dini Frooge stelle und kriegsch alli Infos wo de bruchsch zem starte.

Unseri Junge…

JG Fasnacht 2009: em Säuli si dood

Binggis an dr JG-FASNACHT 2011: D SCHWYZ UND YCH: EWIGI LIEBI…?

Spale JG Fasnacht 2012: Zumba Fieber

…sin unsere ganze Stolz! über 70 Buebe und Maitli sin die Joor an dr Fasnacht bi dr Spale mitgloffe. Dodermit isch unseri Jungi Garde eini vo de gröschte z Basel. Fir Dich bedyttet das, as du – näbem pfyffe und drummle leere – vyyli neyi Fründe kasch finde! Fasnacht in somene grosse Huffe mit vyyle Kollege z mache isch dr Hammer!

Syt dr Grindig vo dr Junge Garde im 1948 legge mir grosse Wärt

druf, de Kinder e gueti musikalischi Usbildig z biete. Dernääbe leere sy d Ghaimnis rund um d Fasnacht kenne, dien Larve sälber baschtle, geen zämme ins Cliquelager und iebe fir s Intärne Bryysdrummle und -pfyffe. Dr ängi Kontaggt zum Stammverein und au zur Alte Garde schafft e bsunderi Stimmig – die ganzi Clique isch e Familie. Mir legge grosse Wärt uf Kollegialität, Musikalität und Spass an dr Fasnacht.

An dr Fasnacht 2010 het die ganzi Spale fir einisch ei gmainsams Sujet gha. Mir sin alli zämme als Zigyyner umegloffe und hän 3 Daag lang d Fasnacht kenne gniesse. Wie das usgsee het, luegsch dr am beschte grad sälber aa…

oder lueg doch wie die Junge an dr letschte oder diesjährige Fasnacht usgseh hänn

E Cliquejoor…

Gottfriedkäller Schuelhuus, do iebe mir (OS Gottfried Keller St.Gallerring 101 4055 Basel)

…fangt grad nach dr Fasnacht aa! Nach em 3. Bummelsunntig föön d Iebigsstunde im Gottfried-Käller Schuelhuus aa. Jewyyls am Donnschtig vo 19:00h – 20:00h leersch Du s Pfyffe und s Drummle vo erfaarene Instruktore. Dernoo kasch Du an divärse Aktivitäte teilnää – fir die Junge gits s ganze Joor dure Highlights!

  • An Pfingschte findet unser Pfingschtlager (SpaLaPfi) statt….
  • Alli Fuessballfrinde, kenne im Juni mit dr Spale ans Clique-Grimpeli
  • yschriibigeSpaleIm Auguscht findet d Sujetsitzig statt – die Junge bestimme gmainsam s Sujet fir die näggschti Fasnacht.
  • Im Herbscht starte d Arbete an de Larve – Jede gstaltet sini Larve sälber
  • Februar trifft sich die ganzi Spale-Familie am Intärne, em Spaledörli. Z Oobe gits jewyyls e fasnächtlige Familieoobe.
  • Und am 06. März 2017 isch ändlig wiider Morgestraich! denn laufsch au Du mit 🙂

D Spale bietet Dir vyyli tolli Erläbnis s ganze Joor dure. D Fasnacht isch natirlig s absolute Highlight – aber au die räschtlige Events wärde mit vyyl Lyydeschaft organisiert. Derbyy sy isch alles 😉 Wie z.B. das Johr wo d’ JG am Drummeli mitmacht:

No Frooge?

Denn lyt am beschte unserem Obma, em Benjamin Stähli (076 337 80 77 / benstaehli@gmx.ch) aa!
Die wichtigschte Informatione wo als “Fasnachts-Afänger” muesch ha, hämmer im Spalebiechli zämmegstellt.

Videos vo dr Junge Garde vo dr Fasnacht 2012, em Spaledörli 2013 und vielem mehr

oder lueg doch diräkt uf youtube uff em Spalechannel

http://www.youtube.com/watch?v=g3iLFFfiPjs