Bettina Meier JG Obfrau
Liebi Spale, liebi Eltere und Fründe vo de Junge Spale,
freuet euch d’ Fasnacht kunnt nöcher! was wie wo lauft und wo mir sinn kasch douf em Fasnachtsablauf luege.. bis gli am Spalebärg
Liebi Griess Bettina
Pfyffer Einzel Jungi Garde: Michelle Unternährer Rang 2 – Gässler und Tamboure Einzel Stamm: Sascha Herzog Rang 2 – Winschdi
Härzligi Gratulation an alli wo am Offizielle 2012 mitgmacht hänn! D’ Sensation isch perfekt mit zweimoligem 2. Rang vom Sascha Herzog (TA Stamm) und Michelle Unternährer (PF Jungi) und zweimoliger 3. Rang platzierig in dr gmischte Gruppe bi de Alte und im Solo Duo mit Spalebetailigung!!!!
Im Final 2012 isch d’Spale in allne Kategorie Verträtte gsi woruf mir stolz könne si und es sinn folgendi sensationelle Plätz belegt worde:
Blaggedde ka me jewyls am Donnschtig bim David am achti nach dr Iebigsstund im
Schuelhuus (und natürlig au am Intärne) bezieh.
Bitte bstelled aber die Blaggedde jewyls bis am Mittwuch zʼObe vor, uffs
„Spale-Blaggeddefon“ 061 / 321ʼ71ʼ77 vom David Zeller (bitte mit Vor -und Nochname bis jewyls am Mittwuch d’ Bschtellig ufgäh) Details: Blaggeddeussgoob JG 2012
Blagedde-Verkaufsbryys:
Gold: Fr. 45.– / Silber: Fr. 16.– / Kupfer: Fr. 8.– / Bijou: Fr. 100.– Dir zahled bim Bezug:
Gold: Fr. 40.50 / Silber: Fr. 14.50 (13.50 war eine falsche Angabe im Brief)/ Kupfer: Fr. 7.50 / Bijou: Fr. 90.- (Dir verdiened also öppe 10% pro Blaggedde !)
S Intärne Bryysdrummle und -pfyffe vo dr Junge Garde isch die Saison unter em Motto “Integrierig” gstande. Zämme mit em türkische Mergim Muzzafe isch s’ Publikum in fremdi Kulturkreis integrieret worde! Wie allewyyl het am Noomidaag d Konkurränz vo de Junge stattgfunde. Nach emene feine Nachtässe isch z Oobe dr ultimativi Integrationsworkshop duuregfiert worde. Bissigi und unterhaltsami Rahmestiggli und fasnächtlichi Musik hän dä Oobe zumene speziell glungene Aalass für d’ Spalefamilie gmacht. E ganz dicks Lob ans Ok und insbesondere em Hämpfeli.
Wiidrmool ebbis unter em Motto “Spale am pfyffe und drummle”
Am Zentralschwyzerische Jungtamboure- und pfyfferfescht sinn aimool meh ainigi Spalemer im Ysatz gsi. Bi dr UFS Basel hänn dr Florian Stähli und dr Christian Walk d Instruktion wohrgno und fantastischi Resultat erzylt: Weiterlesen
Foto v.l.n.r : Céline «shag» Saladin, Janina «muri» Stöckli, Stephanie «stocki» Hediger, Lara «zubi» Schenk, Hannah «strelli» Berns, Salome «granit» Glaser, Silvana «beni» Engel
Zächi aber erfolgrychi Verhandligge mit de baide scho mit aim Bai – ainere Hand im Stamm pfyffende Lara und Janina und s knallharte Trainingslager und natyrligg die mental tipp toppi Turniervorberaitig hänn zemene iberraschende Coup gfiehrt. D «SPALADIES» hänn dangg em bessere Goolverhältnis (schynts) obenusgschwunge und dr Pott kenne haibringe! [und s kenne erscht no alli no laufe und geen unverletzt in d Ferie!
Härzligge Dangg fir e glatte Sunndig – bi stolz uff euch 
«thorsten» Hedi (der mit dem Kessel tanzt…)
Bettina Meier Obfrau JG
d’ Spale JG het e neui Obfrau d’ Bettina Meier und die git jetzt zämme mit em JG Vorstand die neui Infobroschüre vo dr Jungi Garde – s’ Spalebiechli uuse wo alles rund um die Junge und um d’ Spaleclique stoht… do muesch driiluege
s’ Spalebiechli kasch doo abelaade: Spalebiechli
Samschdig, dr <<AneFahreUspaggeThemaKennelerne-Daag>>Es isch widr emol so wyt gsi. D’ Spalapfi-Deilnäämer hän sich am Samschdig, em 11. Juni 2011 am viertel vor Nyni am Morge gegeniiber vom Badische Bahnhof troffe und sin denn mitem Car uf Herrischried gfahre. Das liggt oberhalb vo Bad Säckingen im grosse Kanton.
Nachere kurzwiilige Fahrt sin mir denn vo de räschtliche Leiter vorem Huus empfange worde.
Nach dere härzligge Begriessig hän mirs uns in unserene Zimmer gmietligg gmacht und e baar Sache uspaggt. Am Beamer und dr Lyynwand, wo im Ässzimmer gschtande sin, het me gmergt, dass au dr Tortellini (s’Hämpfeli) dr Wäg do uffe nach Herrischried gfunde het. Voller Vorfreud uf d Präsentation vom Thema (ebbe mit Beamer und Co.) hän mir uns am Nomidaag im Spyssaal troffe.
Denn isch s grossi Gheimnis glüfftet worde: S Spalapfi 2011 wird unterem Name „Spale TV” stattfinde. Grad aschliessend an die Vorstellig hets no e glaini Ifierig ins „Film-Business” gä. Uff was muess me luege bim Filme? Welli Kameraystellig sott me benutze? Das und viil meh hän mir an däm Nomidaag glernt.
D Laiter hän sich scho sehr viil Gedangge gmacht, was me für Themene könnt dreihe. Doch für die Umsetzig hän mir zerscht mol Gruppe miesse mache. Schnäller als erwartet sin die Gruppe zschtand ko und me het könne loslege. Zerscht hän mir uns in de Gruppe beroote und abgsproche, denn hän mir eins usgwählt und schliesslich het me e sogenannts Story-Board miesse verfasse. Dört inne stoht ganz genau, was in dere Szene alles vorkunnt und wie d Kameraystellig muess si. Was die verschiedene Gruppierige alles so usgwählt hän, will ich jetzt aber nid priisgä!
Im August dieses Jahres haben wir die Sujetsitzung durchgeführt und ein Sujet gewählt, welches den Arbeitstitel „Swissness” trug. Es soll mit diesem Sujet gezeigt werden, was die Schweiz alles zu bieten hat, dass wir stolz sein dürfen Schweizer zu sein bzw. in der Schweiz zu wohnen. In den letzten Jahren hat die Schweiz als Marke auch immer mehr an Gewicht gewonnen und das weisse Kreuz auf rotem Hintergrund ist hip und trendy. Wir möchten durch den Zug der Jungen Garde, welcher als „Alpabzug” dargestellt wird, verdeutlichen, dass nicht nur das Schweizerkreuz als Symbol hip und trendy ist, sondern dass alte Traditionen wie Jodeln, Schwingen, Alpabzüge etc. wieder Anklang finden und gerade auch die Jungen sich dafür begeistern.
Der Zug gliedert sich wie folgt:
Vortrab & Binggis stellen den klassischen Teil des Alpabzuges dar, die Kostüme bestehen aus Kühen und Sennen/Senninnen.
Die Junge Garde (Pfeiffer) werden ein Jodelchörli darstellen. Der Tambourmajor ist der Prachtstier. Die Tambouren JG werden als Schwinger durch die Gassen russen.
Binggis an dr JG-FASNACHT 2011: D SCHWYZ UND YCH: EWIGI LIEBI…?
Hett di s Fasnachtsfieber paggt? Bisch e Maitli oder e Bueb ab ca. 8 Joor? Wottsch au Fasnacht mache? Denn bisch bi uns genau richtig!
In unserer Junge Garde kasch mit e huffe andere Junge s Ghaimnis vo dr Fasnacht entdecke. Du leersch bi uns in dr Pfyffer- und Drummelschuel au alli Grundlage zem aggtiv an dr 
Fasnacht z pfyffe und z drummle.
Die näggschte Yyschryybige fir die Jungi Garde finde am Samschtig 19. respektive 26. März und 2. April 2011 statt. Kunsch eifach am Noomidaag zwüsche 14:00h bis 16:00h in Spalekäller. Dert kasch erfaarene Fasnächter dini Frooge stelle und kriegsch alli Infos wo de bruchsch zem starte. Weiterlesen
