Spale-Clique

    syt 1927 uff dr Gass

Spaledörli 2015

IMG_4169

Am letschte Samschdig isch im Kronemattsaal in Binnige s Intärne iber d Bihni gange. Dr Nomidag isch ganz im Zeiche vo dr Konkurränz gstande, bi däre insgesamt 39 Kinder und Jugendlichi e Marsch vordrummlet oder vorpfyffe händ. Bewärtet worde sind si do drby vonere hochkarätige Fachjury. D‘ Rangliste vom Samstig findsch im gschützte Berych.

E usführliche Bricht über s Noomidagsprogramm findet sich denn im neyye Krayejoggi, wo in dr Drummeli-Wuche (Afang Februar) usekunnt.

Nacheme feyne Znacht und dr Rangverkündigung isches denn Zyt gsy für e wyters Highlight: s Oobeprogramm. Scho bim Spaledörli im letschte Joor het s damalig neye OK d Mässlatte hoch gsetzt und e Mänge het sich gfrogt, obs ihne glingt, die no wyter uffe z setze. Im Verlauf vom knapp 4-stündige Programm het sich denn ei Höhepunggt an andere greiht und so het sich s OK au das Joor widr sälber übertroffe. Ganz e härzliggs Dangescheen an: Pascal, Marius, Andrin, Beni, Olav, Florian & Florian!

E kleini und uff kei Fall abschliessendi Uswahl vo de verschidene und sehr abwächsligsryche Uftritt findsch e Klick wyter.

Update: Dr Pascal Sarti het s Ganze uff Video uffgno. Undedra findsch e Zämmeschnitt vo däm tolle Event.

(mehr …)


Spaledörli 2014 – ein neuer Anfang

spaledörli2014
Wir durften dieses Jahr wiederum ein sensationelles Spaledörli erleben. Die musikalischen Einzelleistungen waren Top. Bei den Binggis Pfeifer haben Lena Burdet und Lea Eze, bei den Tambouren Manuele de Caro und Ron Fankhauser den ersten Rang erkämpft. In der Jungen Garde konnten wir erneut Michelle Unternäher zur Pfyfferkönigin und Olivier Boog als Tambourenkönig küren! Wobei Moritz Würth in der Reihe der Erstklas- sierten natürlich nicht zu vergessen ist, da er punktgleich das gleiche Resultat wie Olivier erreichte! (nur die leicht geringere technische Noote brachte ihn auf den zweiten Rang). Florian Stähli und Melanie Bonato führten unterhaltend und spannend durch die Rangverkündigung und Bettina Meier überreichte persönlich jedem Jungen den Preis.
(mehr …)


Spaledöörli 2013 – Sparledörli

spaledoerli2013

Spare isch Trumpf! Das Joor ligge mir mit em “Sparledöörli” voll im Trend: iberall wird gspart, kürzt und umpriorisiert. Mir hän drum das Joor e ganz e billigs Spaledöörli zämmegstellt: keini extärne Gescht, wenig Dekoration, kei Schnickschnack und e üsserscht kurzwyyligs Oobeprogramm. Mir hän sogar d Keschte fir eigeni Teggschter yygspart und kopiere ungeniert bi fremde Autore…Das het insgesamt zwei grossi Vorteil:
– Erschtens kemme unseri Junge als wichtigschts Guet vo dr Spale no mee zur Gältig. Dä Aloss isch fir unsere Nochwuggs – und dä Nochwuggs wämmer entsprächend in Szene setze.
– Zweitens ka s OK und dr JG Vorstand dangg de Yysparige vo däm Sparledöörli richtig fett zwei Wuche uf d Maledive go relaxe.
s OK & dr JG Vorstand
(Quelle s‘ Brogrammheftli vom Spaledörli 2013)

(mehr …)


Spaledöörli 2012 – Integrierig

S Intärne Bryysdrummle und -pfyffe vo dr Junge Garde isch die Saison unter em Motto “Integrierig” gstande.  Zämme mit em türkische Mergim Muzzafe isch s‘ Publikum in fremdi Kulturkreis integrieret worde! Wie allewyyl het am Noomidaag  d Konkurränz vo de Junge stattgfunde. Nach emene feine Nachtässe isch z Oobe dr ultimativi Integrationsworkshop duuregfiert worde. Bissigi und unterhaltsami Rahmestiggli und  fasnächtlichi Musik hän dä Oobe zumene speziell glungene Aalass für d‘ Spalefamilie gmacht.  E ganz dicks Lob ans Ok und insbesondere em Hämpfeli.

(mehr …)


Spaledöörli 2011 – Plug in, Baby!

S‘ Intärne Bryysdrummle und -pfyffe vo dr Junge Garde isch die Saison unter em Motto “Plug in, Baby” gschtande. Am Samschtig 12. Hornig 2011 isch’s KuSpo in Minggestai zer Show-Biini worde. Showbiz, Glamour, Rampeliecht… derbyy sy isch ebbe alles. Wie allewyyl het am Noomidaag d Konkurränz vo de Junge stattgfunde und nach em Nachtässe am achti isch denne dr Starkstrom iigschalte worde und e richtigs Festival feeling uffkoh..  Sensation het sich an Sensation greiht.. Die farbefrohe Junge und Binggis hän so guet pfiffe wie die Alte… dr Stamm het sich mit em Drummelimarsch versuecht… die Alti Garde isch uff eimol nimm alt sondern mit Glitzer uffpimpt  uff dr Biini gschtande und het e sportlichs Spaledörli aanegfägt.. unser schwizer spitze Piper het dr Einsam zum beschte gäh grad wie am Tattoo.. es het Värsli brünzlet.. es het agheiterti Gruppe und Bauarbeiterfasnächtler vom Spalebärg ka und e Süper BÄND TAMBÜR Crossover-Show kah… me könnt wirklich saage dass dä Oobe sogar d Stones und U2 in Schatte gstellt het… und mit em gmietliche usklinge im Foyer nach dr Show isch das Intärne schön abgrundet gsi.. Leben Sie HOCH die Organisatore ! Lebe sie hoch das Hämpfeli!

für Videos und Bilder Wyterlääse!

(mehr …)


Spaledöörli 2010 – ewigi Fasnacht

Nach em Erfolg vom Intärne 2009 im Kultur- und Sportzentrum KuSpo in Münchestei, isch au 2010 wieder in däm grosse und praktische Saal unser Intärns duregfiert worde.
Am Noomidaag isch wie allewyl d Konkurränz vo de Junge über d‘ Bühni – es isch Gruesst und pfyffe worde und s neye intärne Keenigspäärli kreent worde. Die Junge sin elaige uf d Bihni gstande und d’Binggis in Grubbe vo max. 3 Drummler oder Pfyffer ufträtte. Alles isch vonere professionelle Jury bewärtet worde.
Z Oobe isch’s Oobebrogramm unter em Sujet „Ewigi Fasnacht – e ganz intime Querschnitt“ aagsait gsi. Näbe Intärne Nummere sin natirlig au wieder extärni Gescht uf dr Bini gschtande! Bilder hets leider bis jetzte keini. (mehr …)


Spaledöörli 2009 – Spalympics

Intärns Bryysdrummlen und -pfyffe vo dr Junge Spale – 2009 unter em Sujet „Spalympics“ isch wieder emol e hit gsi.. viele Dank all de Mitwirkende und vor allem em Organisationsteam mit em Obervärslibrünzler.

Danggerscheen!

S internationale spalympische Comité danggt allne Konkurränte, Zueschauer, Hälfer und Mitwirkende fir dr sensationelli Oobe im KuSpo!
Merci allne Konkurränte vo de Binggis und de Junge, wo elaige oder inere Grubbe uf d Bihni gstande sin. Merci allne Konkurränte vom Stamm, wo just for fun uf d Bihni gstande sin – quasi als Training firs Offizielle.
Merci allne Zueschauer wo im Saal uf dr Glimmstängel verzichtet und nach jedem Byytrag klatscht hän! Chapeau! Merci allne Spalemer and friends wo dr Saal bevölkeret hän.
Merci allne Hälfer wo vom Morge am 10i bis z‘ Nacht am 2 uf de Wegge gstande sin. Merci allne extärne Hilfskräft wo Frondienscht gleischtet hän, damit dä Aloss het kenne iber d Bihni go!
Merci dr Alte Garde, em Stamm, de Junge, de Ermitage-Schränzer, em spitzige Ryssblei, de Pfyffer- und Dambouregrubbene, em Mike Shiva und allne andere Mitwirkende uf dr Bihni.

Es goht wyter… 2010 – glychi Zyt, glyche Ort


Spaledöörli 2008 – In 80 Värs um d Wält

Spaledöörli 2008 – unterem Motto „In 80 Värs um d Wält“.

Es isch e langi Tradition, as me kurz vor dr Fasnacht e intärns Bryysdrummle duet durefiehre. Und well d Spale bekanntlich andersch tiggt, hängge mir wie allewyyl au grad no e fasnächtlichs Oobeprogramm drah. S Spaledöörli 2008 stoht underem Motto „In 80 Värs um d Wält“ und het im Restaurant Union im Glaibasel statt gfunde.

(mehr …)


Spaledöörli 2005 – „svp-goes-fdp“

spale-intärns 2005 „svp-goes-fdp“

Was bedytte die Buechstabe S-V-P-“goes”-F-D-P im Logo?
Im Vorfeld konnte man die verschiedenen Vorschläge auf der Homepage des AbendOks deponieren. Die Auflösung fand im Gundelicasio statt:

Spale Vorfasnachts Programm goes Fasnachts Donnschtig Poesie

Der Abend führte uns vom Morgenstraich mit den durch den Saal gässelnden Jungen, einem Bombenauftritt der Kannibale Guggemuusig, nicht zu vergessen der sensationelle Krayejoggi Nachwuchstalentbangg, dem Besuch aus dem Mimösli von den Octopuls und vielen schönen Rhythmen und Tönen mehr  bis hin zum Endstraich am Donnerstag morgen mit einer ergreifenden Daagwach.

Vielen Dank für das schöne Intärne.

NachmittagsOK Carmen Brugger, Markus Schaub, Claudine Rippstein

AbendOK: Thomi Stettler, Michi Friedrich, Alain Dolfi, Tobi Schärer

(mehr …)