Archiv der Kategorie: Stamm

Sascha isch Top!

Veröffentlicht am von
Antwort

Interview im Baslerstab 2.3.10: Sascha Herzog (27) liebt das Basler Trommeln und das Show-Trommeln von Top Secret. Seit 21 Jahren ist er Tambour bei der Spale-Clique. Die letzten vier Jahre trommelte er zudem im Top Secret Drum Corps und jetzt ist er Projektleiter der neuen Top Secret Drummelschuel. Der Baslerstab wollte von ihm wissen, warum es ausgerechnet in Basel noch eine Trommelschule mehr braucht, sprach mit ihm über Cliquen-Nachwuchsprobleme und über seine grosse Leidenschaft: das Trommeln. Der Primarlehrer aus Allschwil (BL) freut sich auf neue Tambourtalente, welche in der Top Secret Drummelschuel gefördert werden sollen, und spricht fasziniert über seine Absicht, Basels Toptrommler auszubilden.

ganzer BAZ Artikel Sascha Interview abelaade

Dr Sascha git’s Interview im Baslerstab im Spalekäller! Top! Gratulation zum neue Projäkt mit dr Drummelschuel!

Stamm Fasnacht 2010 – Lustig ist das Zigeunerleben!?

Veröffentlicht am von
Antwort

Sujet: Lustig ist das Zigeunerleben!?

Die Fahrende, dr Zigyynerzug vo de Spale 2010

  • Vordraab: sin Schäreschliffer, Woorsager, Kesselfligger
  • Reggwysyt:was me halt so brucht unterwägs
  • Lampe: zaigt d Wooret
  • Pfyffer: sin die halbi Sippe
  • Majoor: e Danzbäär
  • Dambuure: sin die anderi halbi Sippe

Zigyynerinvasion! Es vergoot efang kei Daag mee, wo nit irgendwo e Zigyynerbandi duet yybräche… Kum leen sich die Sippe im Elsass niider, styyge z Basel d Yybrüch rasant aa. Am Bahnhof bättlets efangs an jedem Egg

e und in dr Freye gseesch alpott Zigyynermusikante. Die Meinig wird dir ämel vermittlet, wenn divärsi Schwyzer Zyttige duesch lääse.

Mir hän-ys gfroggt, eb me das alles so eifach ka pauschalisiere. Ischs denn wirklig eso, as d Zigyyner eifach us Plausch

dien yybräche? Nämme d Yybrüch wirklig zue, wenn e Sippe in Saint-Louis duet cämpe? Oder gseet d Realität andersch us?
Schlussändlig gits nur ebbis: dr Sälbschtversuech! Drey Dääg lang sin mir als Bättler, Yybrächer, Kesselfligger, Woorsager, Schueputzer, Mässerschlyffer und Stroossemusikante unterwägs. Fazit wird spöter zoge… Weiterlesen →

Offiziells 2010

Veröffentlicht am von
Antwort

Stephanie Hediger, Laura Schwab, Pascal Sarti, Céline Saladin, Janina Stöckli, Fabienne Bänziger

Nachdäm s’letschte Joohr am Offizielle d’ Spale e Glanzleischtig zeigt het in dr Organisation vo däm Aalass het me das Johr sich wieder könne uf die pfyfferische und drummlerische Leischtige konzentriere.. und die sin honoriert worde mit sensationelle Finalplätz ! Aber au all dene wo gschtartet sinn und es das Johr nit ins Final glängt het möchte mir an dere Stell au e ganz grosses Lob usspräche und euch ermuntere die näggschti Chance im 2011 wieder z’ ergriffe!

Uf s’ Spalepodäscht sinn koh: Weiterlesen →

Bad Cannstatt 2009: Narrenfest – weisch no?

Veröffentlicht am von
Antwort

S’ Narrefescht: e sensationells Wuchenänd isch das gsi… Pfyffe, Drummle, e Partyboat nur für uns, vieli anderi interessanti Fasnachtsbrüch kenneglehrt und klatschendi mitsingendi Lüt am Strosserand.. e baar hän gar nüm heim wölle…  zum Glück hänn mir im Masseschlag so “bequemi” Matratze gha sunsch wäre mir jetzte no dört….  d’ Fasnacht isch halt definitiv nit nur in Basel erfunde worde und die Reis het e jedem si Horizont  punkto Fasnacht erwyteret

Weiterlesen →

Stamm Fasnacht 09 – Dummy Sieche!

Veröffentlicht am von
Antwort

  • Sujet: Dummy Sieche
  • Vortrab: Dummy Sieche
  • Requisit: Aktievernichtismaschine
  • Latärne: S lychtend Eländ
  • Pfyffer: Dummy Sieche
  • Majoor: Dr oberdummy Siech
  • Dambuure: Dummy Sieche

Wow dasch e wundebari Fasnacht gsi, s’ Wätter het entgege de Prognose e kleins Härz für d’ Fasnacht gha.. es isch denne au nit so schlimm gsi, dass wägem Räge dr Ändstraich nur kurz aber drfür heftig gsi isch..  mehr Bilder kasch in dr Spalegallery im intärne Berych aaluege…

Also im Herbscht het unser Sujet no G’Opfer Dummy gheisse.. s’ Gschäft oder besser gseit s’ Sujet isch immer no s’ glyche aber dr Name het gwägslet… wie das so in dr Wirtschaft üblich isch.. also nit verwirre lo.. mir sinn jetzte die Dummy Sieche und sage G’Opfer Dummy aber blybe immer no d’Spale die liebschti Glygge wo me sich vorstelle ka… Weiterlesen →

Drummeli 2009: Colonel Bogey March (Hündli)

Veröffentlicht am von
Antwort

S’ Hündli het yygschlage und alli marschiere mit hohe Absätz… di ainte göhn spöter und die andere sofort wieder go umzieh..   und die aintere ohni Drummle göhn an Schlusspfyff… wo das Johr wirklich e wunderschöns Intercliquespontiabschlussspektakel het könne entstoh – so viel Gänsehut ka me gar nit mitnäh wenn e Pauke und alli Clique veraint dr 10 Värs uuselön – e wunderschöns Drummeli 2009 isch das gsi Weiterlesen →

Stamm Bummel 2008

Veröffentlicht am von
Antwort

Dr Bummel het uns transparänterwyys mit ere kurze Zugfahrt uf Rhyyfälde gfiehrt. Dört hän mir d Gasse mit Pfyffe und Ruesse gfüllt, uns verpfläggt uf spanischi Art und Wyys und nachem Gässle durch ängi Gasse sin mir uf Basel zrugg gfahre. Nachere superschnälle strammorganisierte Zwischeverpflägig sin mir wieder ins Getümmel gange und hän uns schlussändlig dr Spaalebuggel uffekämpft, um uns unterem Spaledoor definitiv vo dr Fasnacht 2008 z verabschiede. E grosses Danggerscheen ans OK Hans und Niggi für dä schöni Bummel! Merci!

Weiterlesen →

Stamm Fasnacht 08: Me git nyt

Veröffentlicht am von
Antwort


Sujet: Me git nyt!
Vortrab: Sin Gruusigi Suuger
Reggwysiyt: Isch uusgsuggt
Lampe: Isch rot
Pfyffer: Die suuge meh als sy pfyffe
Majoor: Losst dominant suuge
Dambuure: Suuge arhythmisch

Bluetig gohts zue und här bi dr Spaleclique an dr Fasnacht 2008 : Me git nyt bsunders kai Bluet! Und grad zur Fasnacht isch es in allne Zytige gschtande dass wieder e Bluetknappheit bestoht. Dorum isch d’ Spale als gruusigie Bluetsuuger uf d’ Gass und het dr aint oder ander denne doch no derzue bewegt Freiwillig dr näggschti Halt im Bluetspändezentrum z’mache. Ei Stich mit dr Sprützi im Arm isch denne scho no agnähmer als 2 grossi Vampirzahnlöcher im Hals…. Weiterlesen →