Do kasch e paar Bilder vom Oobe aaluege (Laurent/Flavio)

Spale Jungi Garde: Bummel-Ändstraich unter em Spaledoor

kumm doch au zer Spale

Gässle mit der Spaleclique

«Mir sin im Zumba-Fieber» lautet das Sujet der Jungen Garde für die Fasnacht 2012. Zumba heisst die neue Art seinen Körper in Form zu halten. Die Verschmelzung von Tanz und Fitness wurde vom kolumbianischen Fitnesstrainer «Beto» Perez erfunden und zuerst in den USA eingeführt. Zumba erfreute sich grosser Beliebtheit und wurde schnell zum welt- weiten Kult. Zumba vereint heisse Latino-Rhytmen mit einfach nachzumachenden Bewegungen zu einem einzigartigen Fitnessprogramm.

«Mir danze durch d Gasse zu Piccolo- und Drummelkläng» – Die Junge Garde zeigt an der Fasnacht, wie Zumba langsam auch auf die Fasnächtler übergreift.

Der Zug gliedert sich wie folgt:

• Voordraab macht no Fasnacht und danzt nooni, aber d Binggis sinn scho halbwäggs vom Zumba-Fieber befalle
• Requisit isch Zumba puur
• Ladäärne zaigt Zumba puur
• Die wo pfyffe  sinn im heggschte Zumba-Fieber
• Dambuurmajoor kunnt go Fiebermässe
• Die wo drummle sinn au im heggschte Zumba-Fieber
• Yyschrybige 2012: Kumm doch au zur Junge Garde vo dr Spale Clique

1. Bilder vo dr JG-Fasnacht
2. Dr Zeedel vo de Junge
3. Zeedel und Lampevideo
4. Fasnachtsvideo
5. Yyschrybige 2012: Kumm doch au zur Junge Garde vo dr Spale Clique
6. download: Spale Jungi Fasnachtsablauf 2012

Fasnachtsbilder

Zeedel 2012: Zumba-Fieber

Dichtet vom Yves Schachenmann

An de Feschtdääg issisch hemmigslos! Laggs und Foie Gras sin grandios
s Bouquet vom Roote isch famos
und s Dessert zindet denn furios
mit Armageddon-Melodie
e Fyyrwärgg voll vo Kalorie.
Wottsch e bessers Keerpergfyyl, denn danz Zumba meeglichscht vyyl! Nur in Italie kunnt das Zumba,
nit verbyy am BungaBunga…
E Schritt nach vorne, eine zrugg,
us dr Hifte lyychte Drugg,
d Händ dien rhythmisch ummeschwängge, s Beggi duet sich aabesängge,
d Ärm zeichne druff e grosse Booge,
s gseet us wie dr Morin Guy uf Drooge!

Bim Danz wo in Kolumbie wurzlet,
sin d Kilos vo de Zumbas burzlet.
E Zumbakurs isch scho nit gschänggt, näbem Gwicht het är au s Budget gsänggt. Dä Kurs duet Dir nit nur e Gfalle,
muesch dr Rieme dopplet änger schnalle!

Friener vor gnabb dryssig Joor,
- schrilli Glaider, schreegi Hoor -
in ängi Leggins zwängsch di Ranze,
nur zem go Aerobic danze.
Die Wälle isch denn gly verebbt,
me het im Fitnesscenter gstebbt
und bald druffaabe – lueg d Frau Fehr aa, macht jetzt jede Capoeira.
Tae Bo und gnau so s Aquajogge, meege d Lyt nit ganz so logge,
derfyr schloot denn s Pilates yy,
jede isch im Kurs derbyy.
Die findig gschiggte Gschäftsgenosse, hän druffaabe gly beschlosse,
me sott si eigne Body toone,
das wurd firs Boortmenee sich loone.
Eb „Pörsnl-Trainer“, Power Plate,
startet morn, it’s not too late!

Doch all die Trends sin schnäll vergange,

nur mi Wampe, die blybt hange!
Hyt isch Zumba danze in,
und macht uns’ri Gsellschaft dinn.
Wurde d Lyt nur massvoll ässe,
kennte si dä Saich vergässe!
Dr Gäldseggel wär dopplet froo…
- numme ischs halt nit esoo.

Doch Zumba het au gueti Sytte,
meint scho gly e glaini Grytte:
„Lueg emol d Lyt im Alldag aa,
ganz egal eb Frau eb Maa,
seesch kuum emol e freeligg Gsicht, beesi Myyne – meinsch syg Pflicht.“
Faal und grau dien d Lyt amuete,
gseen oft s Schlächte statt em Guete.
Do bringt das Zumba Farb ins Lääbe,
s wird sich beweggt statt Sässelglääbe. Me darf nit nur lache, sogar straale,
und erscht no mit em Gnaggarsch braale. Dr Vordänzer – ych bi am Stuune,
straalt und sorgt fir gueti Luune.
Är het Energie fir zwai,
im Härze und au in de Bai.
Wie dr Haas vo Du-ra-cell,
lacht und danzt und gumpt dä Gsell. Miechte mee dä Zumba-danz, gsächt me in de Auge Glanz!
Dert e Farbkläggs, do e schmunzle,
statt grau in grau und Stirnerunzle.
Es wurd e Mängem gar nit schaade,
wurd är sich in dem Froosinn baade,
denn syge mir doch emol eerligg,
uns Schwyzer goots im Grund gnoo herrligg. Vyyl z sälte dien mir d Fraid au zaige,
dien im Geegeteil zu Unmuet naige. D Mensche in dr dritte Wält,
hän Fraid – anstatt e huffe Gäld.

Wenn zem Winteränd nach Basel faarsch,
und s haisst: „Morgestraich, vorwärts, Marsch!“ denn isch das Grau z Basel verschwunde,
d Clique dreie iiri Runde,
faarbigi Räppli fliege dur d Luft,
furt kunnt au die farblos Kluft.
Goschdyym gseesch in allne Farbe,
d Larve ersetze d Alldaagsnarbe.
E ganzi Stadt stoot drey Daag Kopf,
mir sin nimm grau, hän farb im Topf!
Wie d Fasnacht begeischteret au s Zumba d Masse, drum duet das s Sujet so guet passe!

Worum ych gang isch rächt pragmatisch, dr Vordänzer isch mer seer zumpatisch…

Aabelaade: Zeedel_2012_Junge Garde Spale Clique
Yschrybyge fir Maitli und Buebe ab dr erschte Klass sinn an de
Samschdige,

• 03.03.2012
• 10.03.2012 und 
• 17.03.2012

 jewyyls vo zwai bis am vieri am Nomidaag im Glyggekäller an dr Schitzemattstroos 16a.(Yygang Hinterhoof vo dr Poscht)
Usskunft gitt d Obfrau: Bettina Meier, 079 384 03 20 / bettina_meier@gmx.ch

Die Jungi Spale macht am Drummeli 2014 d Drummel- und Pfyfferschuel. Schryyb Di yy, denn stoosch au Du uff dr Biihni!

Unseri Fasnachtsbaiz Spalungge am Pflueggässli 10 isch immer denn offe,wenn s’Ladärnli brennt.

Am Frytignoomidaag 02. und am Samschdig dr 03. Meerz, dien sich alli Jungi Garde im Comité-Zält uff em Seibi vorstelle! Kumm go luege und schnuppere….

Zeedel und Lampevideo

Dr Zeedel und Lampe Film vom Raphi:

Fasnachtsvideo

• Vordraab: Isch monschtrös
• Reggwysyt: Wär z düür gsi
• Lampe: Isch sehr düür
• Pfyffer: Sinn gross
• Majoor: Isch e Euro Zwärgli
• Dambuure: Sinn gross

Das Sujet 2012 - Monschter-Frangge entstand aus Gedanken zur Eurokrise heraus:

• Der Franken ist so stark.
• Der Euro ist so schwach.
• Staatengemeinschaft und Finanzexperten sind lösungs- und ratlos desillusioniert.
• Deutschen Arbeitnehmern in der Schweiz wird der Lohn gekürzt.
• Schweizer Hausfrauen und -männer kaufen umso mehr in Deutschland ein.
• Die schweizerische Exportwirtschaft hat Panik.
• Ist die EU das wirkliche Wundermittel für Frieden und Einigkeit?
• Der Schweizer Franken ist gewissermassen monströs stark.

Welches Monster vereinigt Kraft, Stärke, Monströsität und netterweise noch das Wortspiel “Franken” denn mehr als Frankenstein? Jackpot! Und der darbende, schwächliche, kleine Euro ist deshalb zwergenhaft in Form unseres Tambourmajores in den Zug integriert. Die Laterne ziert eine monströs starke 120-Frankensteinnote. lyys doch dr Zeedel denn weisch meh

http://www.sf.tv/videoplayer/embed/6dd9b4cd-3332-4888-bb05-1029b4ec3422

Video vom Zeedel, dr Zeedel und Fotis vo dr Ladärne, Echo in dr Zytig … denn muesch do wyterlääse.

• Zeedel
• Zeedelviedeo vom Stamm
• Bilder vo dr Fasnacht
  • Social – Bilder (Passwortgschützt)
  • NEU ::::  Bilder vom Bummel (Passwortgschützt)
• Ihr händ unsere Applaus verdient – die wo hinter em Sujet und dr Umsetzig stecke
• D’ Spale in dr Zytig
• Download: Spale Stamm Fasnachtsablauf 2012

Bilder vom Monschterzug 2012

Zeedel 2012:Monschter-Frangge

An däre Stell merci unserem Zeedeldichter Werni Laubi fir dr 43. Spale Stamm-Zeedel! Chapeau!

Nimm e Frangge, lueg en aa!
Vorne druff: d Helvetia,
Grössi S, e flache Ranze,
linggs e Schild und rächts e Lanze,
Kopf und Hirni eender glai,
e Morgerogg verdeggt zwai Bai,
d Barchent-Bluuse weermt der Buuse,
unde luegt d Sandalen uuse,
unsichtbar sin d Underhoose.
Hindedruff het s Alperoose
und Aichelaub, wo im en e Granz,
im Frangge gänn e bsundre Glanz.
Im Gaischt hörsch Senne Ländler summe,
Kuepfläddler liige friidlig umme
und Fööre wiige sich im Föön.
Der Franggen isch solyyd und schön.
Drum luegsch au ganz verwunderet dryy:
dä Frangge soll e Monschter syy?

Der Grund derfir lyt bi der EU,
bi Type wie der Papandreou.
Bi däm het s Volgg noon em Rezäbbt
Ich schaff beim Staat wie d Fürschte gläbbt,
het sich am Nüni zämmegrafft,
zerscht Pause gmacht, denn zwai Stund gschafft,
zmiddag e Burnout simuliert
und zoobe sich schnäll pensioniert.
Jetz kaa me gmietlig wandere.
Zaale dien die andere.
Will d Styyre s Läbe arg verdyyre,
zaalt men am beschte kaini Styyre,
spendiert e Schmiirgäld hindedure,
griegt s wiider zrugg und haltet d Schnuure.
D Bilanz wird gfeltscht und s wird gerisse
glooge, korrumpiert und bschisse.
S regiert, wo d aaneluegsch, der Filz,
es wuecheret der Schimmelpilz,
an de Devise gnaage d Schaabe,
der Euro saust in Käller aabe.
Z Basel het dä Schwindsucht-Kärli
e Wärt no vo finf Gummibäärli.
D Grande Nation vo Frankrych het
s Tripple-Rating ZZZ,
z Italie het der Berlusconi,
kai Rating me. Dä läbbt jetz ooni.
D Frau Merkel froggt der Maa bim Bette:
Waisch, wie me kennt der Euro rette?„Sing“, sait är, „immer vor em Schloofe
d Landeshymne, alli Stroofe,
straff denn im Bundesdaag s blau Jäggli
und präsentier e Rettigspäggli.
Schifft s ainewäg no wie us Kanne,
muesch halt e Rettigsschirm uffspanne.“

Wär jetz nit will in d Schyssgass laufe:
duet d Euro, won er het, verkaufe.
En Ussnaam isch der Hildebrand.
Mit antizyklischem Verstand
kauft är Milliarden Euro yy.
(Doch laider nit prix garanti.)
D Wält duet jetz Schwyzerfrangge byyge,
wo sofort wie Rageete styyge
und d Wirtschaft in e wieschti Panne
und argi Flaute duet verbanne.
Der Hayek froggt vergäbets: Wotsch
zum Pryys vo ainere zwai Swatsch?
Kai Mensch goot z Flims go wandere,
s isch ginschtiger in Kandere.
Me sufft kai Balsam, dä vom Zäller,
kauft Münschterkääs statt Appizäller.
der Striggbazar blybbt uff de Sogge,
d Frau Blocher uff der Hüppe hogge;

Wie macht men uss däm Monschter-Frangge
e gsunde Kärli und e schlangge?
Dr Malama, ein Mann der Tat,
verdailt vom Gwärbverband Traktat
und bittet uns am Zoll mit Flyer:„Kaufet kaini Schwooben-Aier!“
Doch d Gsundhait fir der Frangge findet
nur dä, wo iin an Euro bindet.
Das haisst: mir trätte meglischt glyy
(am beschte morn) der EU by
und ibernämme, wenn si wänn,
alli Schulde, wo si hänn.
No mien mir nimm noo Gränzach laufe
und kenne d Pämpers z Basel kaufe.

Zeedelvideo vom Stamm

Ihr händ unsere Applaus verdient – ihr wo hinter em Sujet und dr Umsetzig stecke

• Sujetkommission: Markus Heeb, Niggi Zittel, Matthias Walk, Dänny Sarti, Julia Herter, Christelle Palma
• Schneiderin: Ursi Brandenberger
• Larve: Roman Peter
• Zeedel: Werner Laubi
• Chrampfer: Michi Jerlo, Steffi Engel und viili anderi

Spalenclique in dr Zytig

Baz vom 29.02.12

Baz vom 28.02.12

Der Sonntag

D’ Spale isch vor de Fasncht scho mit erschte Bilder in de Medie gsi! In dr Zyttig der Sonntag het dr ehemaligi Comité Obmaa Felix Rudolf von Rohr über die diesjährige Sujets gplaudert und e Ybligg ins Spalesujet gäh… gewaltig monströs wird unsere Zug si – freude herrscht!!

Artikel Aabelaade : SpaleindrSunndigszyttig

Baz vom 28.02.12

Pfyffer Einzel Jungi Garde: Michelle Unternährer Rang 2 – Gässler und Tamboure Einzel Stamm: Sascha Herzog Rang 2 – Winschdi

Härzligi Gratulation an alli wo am Offizielle 2012 mitgmacht hänn! D’ Sensation isch perfekt mit zweimoligem 2. Rang vom Sascha Herzog (TA Stamm) und  Michelle Unternährer (PF Jungi) und zweimoliger 3. Rang platzierig in dr gmischte Gruppe bi de Alte und im Solo Duo mit Spalebetailigung!!!!

Im Final 2012 isch d’Spale in allne Kategorie Verträtte gsi woruf mir stolz könne si und es sinn folgendi sensationelle Plätz belegt worde:

Pfyfferinne Einzel

Jungi Garde: Michelle Unternährer Rang 2 – Gässler
Stamm: Nicole Meyer-Lehner Rang 6 – Altfrangg

Tamboure Einzel

Jungi Garde: Olivier Boog Rang 7 - Basel Nord
Stamm: Sascha Herzog Rang 2 – Winschdi
Plattner Daniel Rang 11 – Ueli 

Pfyffergruppe Jungi Garde:

Rang 6 – Gässler: Michelle Unternährer, Ria Meyer, Petra Zimmermann, Tamina Etter, Alessandro Venzin, Margaux Niggli

Pfyffergruppe Stamm:

Rang 5 – Die Alte : Ariane Schwaiger, Dominique Saladin, Jessica Sarti, Sandra Rudolf, Julia Herter, Selina Eigermann

Rang 6  – Festival: Nicole Meyer, Niggi Zittel, Sarah Zwiller, Flavio Magliozzi, Claudine Rippstein, Laurent Burdet

Tambouregruppe: Stamm

Rang 5 – Ueli: Patrick Schudel, Christian Walk, Daniel Plattner

Gmischti Gruppe: Stamm

Rang 3 – 10. Värs: Ariane Schwaiger, Dominique Saladin, Jessica Sarti, Sandra Rudolf, Julia Herter, Selina Eigermann und Sascha Herzog, Daniel Plattner, Patrick Schudel

Solo Duo

Finalsegen im Solduo mit Spalebeteiligung:

Rang 3 – Nunnefirzli: Herzog Sascha & Minder Katrin – Wild
Rang 6 – Pinocchio: Plattner Daniel & Schwaiger Arianne
Rang 8 – Rhysprung: Plattner Dominic & Rippstein Claudine – Wild
Rang 10 – Yankee: Walk Christian & Palma Christelle

und natürlich au allne andere wo sich muetig gmässe hänn und s’ Final nur knapp verfählt hänn… härzligi Gratulation zu de Saalplatzierige!!!

Links:

• Ranglisten offiziells.ch
• Bericht Fasnacht.ch

Bilder

Bilder von Sonja Widmer

1. Podeschtranglischte – mir gratuliere
2. S Obeprogramm zämmegfasst
3. Indegrationsvideo – Spaledöörli 2012
4. Bilder vom Spaledöörli 2012

Mir Gratuliere allne Konkurränte für ihri tolli Leischtig

Mir Gratuliere allne wo am Intärne mitgmacht hän und uf dr Bihni gschtande sin. Das isch e tolli Leischtig und gebührt Anerkennig wenn me dr Muet zämmenimmt uf die Bihni z’ stoh. Ufs Podescht häns gschafft und e bsundere Applaus verdient hän

bi dr JG Pfyffer:

1. Rang: Stephanie Hediger – Läggerli
2. Rang: Michelle Unternäher – Gässler
3. Rang: Celine Saladin – Duudelsagg

Bi de JG Tamboure

S Obeprogramm zämmegfasst

Mer starte wie allewyyl mit de Junge und de Binggis. Nach em Yymarsch und emene
erschte musikalische Guetzli gits d Rangverkindigung vom Intärne. Dernoo drummle und
pfyffe uns die Junge e rassigs Auprès und haues zämme mit de Binggis und em Arabi
aschliessend wiider in d Garderobe. Well haimetligi Kläng so scheen sin, gheere mer
dernoo dr Luuser vo unserem JG Solo Duo Grüppli.
Kum sin die letschte Deen verklunge, begriesst unsere Moderator – dr Mergim Muzzafer – sini Workshop-Dailnäämer. Im erschte Dail vom Workshop goots um die richtigi
Sprooch. Aschliessend gredänzenys d Pfyffer Afänger dr Pipi Langstrumpf.
Schliesslig bligge mer ins Bläsischuelhuus wo e ganz e speziells Integrationsprojäggt
gstartet worde isch und dernoo iberrascht uns die Alti Garde mit emene IntegrationsPotpourri.
Nach dr Pause integriere mer schnäll e Gugge in unser Brogramm… d Grachsymphoniker schränze zer Begriessig vom zwaite Workshopdail. Kum sin die letschte Deen verklunge luege mer uf uns sälber und froogen-ys, eb MIR gnueg integriert sin. D Pfyffergrubbe vo de Junge integriert uns in fremdi Kulturkreis. Integration 2.0! Dr Stamm bringt ys denn dr Spalebärg duruf, und mit em Copain diräggt in Seminarrum. Dert wartet denn scho dr Mergim Muzzafer mit em zweite Dail vom Workshop “Integration fir Afänger”.
Derno duelliere sich zwei Drummelhünd diräggt uf dr Biini… s Duell isch e mässerscharfi
Komposition – het aber no keini Todesopfer gforderet. Schliesslig kemme mer zem Änd
vom Workshop und froogen-ys, wieso dr Samichlaus soo guet integriert isch… immerhin
isch das jo e Schwoob… oder so.
Und wenn denn alli gnueg integriert sin, denn kenne mer wieder in Richtig Fasnacht
luege… E wyters Solo Duo Grüppli serviert ys dr Pinocchio. So scheen!
In däm Sinn: vyyl Vergniege!

(Quelle Oobeprogramm, s Programmheftli 2012 kascho do aabelade)

Integrationsvideo – Spaledöörli 2012

Bilder vom Spaledöörli 2012

Fotos: Raphael und Flavio

Am Zentralschwyzerische Jungtamboure- und pfyfferfescht sinn aimool meh ainigi Spalemer im Ysatz gsi. Bi dr UFS Basel hänn dr Florian Stähli und dr Christian Walk d Instruktion wohrgno und fantastischi Resultat erzylt:

Sektion Tamboure: 3. Rang und beschti Basler Sektion (drby gsi: Benjamin Stähli, Olivier Boog, Moritz Würth)

Sektion Pfyffer: 2. Rang – d Naarebaschi sinn daasmool e bitz besser gsi (drby: Stephanie Hediger)

Gmischti Sektion: 1. Rang!!!

Im Einzel hänn unseri tapfere Spalemer au mitgmacht:

Dr Ben hett sich im traditionell unheimligg stargge Teilnähmerfäld e Mittelfäldplatz in dr Kategorie T1 erruesst; dr Moritz genau eso bi dr Kat. T2 und dert hett dr Olivier als 18. e “Kranz” gholt!

D Stephanie darf sich iber e grossartige 2. Rang bi de Pfyfferkat. P2 freue; mit dr letschtjöörige Offiziellesygerin als Erschtplatzierti hett d UFS dert gar e Doppesyg kenne fyre – und d Stephi isch also imene erlauchte Kreis fiirepfiffe…!

Allne härzliggi Gratulazion – d Schlachtebummler freue sich scho uff näggscht Joor!

Foto v.l.n.r : Céline «shag» Saladin, Janina «muri» Stöckli, Stephanie «stocki» Hediger, Lara «zubi» Schenk, Hannah «strelli» Berns, Salome «granit» Glaser, Silvana «beni» Engel

Zächi aber erfolgrychi Verhandligge mit de baide scho mit aim Bai – ainere Hand im Stamm pfyffende Lara und Janina und s knallharte Trainingslager und natyrligg die mental tipp toppi Turniervorberaitig hänn zemene iberraschende Coup gfiehrt. D «SPALADIES» hänn dangg em bessere Goolverhältnis (schynts) obenusgschwunge und dr Pott kenne haibringe! [und s kenne erscht no alli no laufe und geen unverletzt in d Ferie!
Härzligge Dangg fir e glatte Sunndig - bi stolz uff euch
«thorsten» Hedi (der mit dem Kessel tanzt...)

D "Buebe" [«SPALE STÜRMER»] sinn au vo Syg zue Syg bolz und sinn am Schluss mit gfühlte 100 Penalties super Dritti worde! (gschuttet hänn: Florian Mohler, Dario Gerber, Severin Lehmann, Florian Hediger, Marius Engel, Fabian Leimgruber – Coach: Andrin Leimgruber)

D Binggis [«SPALE FAST AND FURIOUS»] sinn körperligg klar die glainschte gsi, hänn aber punkto Sportsgaischt Grössi zaigt und sich nit unterkriege loo. S näggscht Joor schleen mir zrugg!  ( Coach: Florian Stähli und Bettina Meier)

Bettina Meier Obfrau JG

D’ Infobroschüre vo dr Junge Garde – s’ Spalebiechli 2012 isch dusse – do findsch alles rund um die Junge und um d’ Spaleclique… do muesch driiluege

s’ Spalebiechli kasch doo abelaade: s’ Spalebiechli 2012- informatione über die Jungi Garde vo dr Spale Clique

s' Spalebiechli 2012- informatione über die Jungi Garde vo dr Spale Clique