Spaledöörli 2011 – Plug in, Baby!
S’ Intärne Bryysdrummle und -pfyffe vo dr Junge Garde isch die Saison unter em Motto “Plug in, Baby” gschtande. Am Samschtig 12. Hornig 2011 isch’s KuSpo in Minggestai zer Show-Biini worde. Showbiz, Glamour, Rampeliecht… derbyy sy isch ebbe alles. Wie allewyyl het am Noomidaag d Konkurränz vo de Junge stattgfunde und nach em Nachtässe am achti isch denne dr Starkstrom iigschalte worde und e richtigs Festival feeling uffkoh.. Sensation het sich an Sensation greiht.. Die farbefrohe Junge und Binggis hän so guet pfiffe wie die Alte… dr Stamm het sich mit em Drummelimarsch versuecht… die Alti Garde isch uff eimol nimm alt sondern mit Glitzer uffpimpt uff dr Biini gschtande und het e sportlichs Spaledörli aanegfägt.. unser schwizer spitze Piper het dr Einsam zum beschte gäh grad wie am Tattoo.. es het Värsli brünzlet.. es het agheiterti Gruppe und Bauarbeiterfasnächtler vom Spalebärg ka und e Süper BÄND TAMBÜR Crossover-Show kah… me könnt wirklich saage dass dä Oobe sogar d Stones und U2 in Schatte gstellt het… und mit em gmietliche usklinge im Foyer nach dr Show isch das Intärne schön abgrundet gsi.. Leben Sie HOCH die Organisatore ! Lebe sie hoch das Hämpfeli!
für Videos und Bilder Wyterlääse!
- Videozämmefassig vom Spaledoeri 2011
- Video Hugos Band and Spaletambour
- Bilder vom Spaledoerli 2011
- Spale on Youtube
Videozämmefassig vom Spaledoeri 2011
E kurzi und halt nit ganz kompletti Zämmefassig vo däm Oobe findsch do:
Video Hugos Band und Spaletamboure am Spaledoeri 2011
S’ Highlight, näbe allem andere Sensationelle isch dä Uffdritt ganz imm sinn vo dr aktuelle crossover Beweegig, Lovebugs maches mit em Synphonieorcheschter Basel unseri Tamboure mit em Hugo Rippstein sinere Band.. und stuune musch au wenn de denn gsehsch dass Claudine uff eimol Keyboard und dr Plätti und s’ Hämpfeli Schlagzüg könne spiile.. sehr geniali Show gsi.. Gratulation
Bilder vom Spaledoeri 2011
