Spale-Clique

Sujet: Lustig ist das Zigeunerleben!?

• Vordraab: sin Schäreschliffer, Woorsager, Kesselfligger
• Reggwysyt: was me halt so brucht unterwägs
• Lampe: zaigt d Wooret
• Pfyffer: sin die halbi Sippe
• Majoor: e Danzbäär
• Dambuure: sin die anderi halbi Sippe

Zigyynerinvasion! Es vergoot efang kei Daag mee, wo nit irgendwo e Zigyynerbandi duet yybräche… Kum leen sich die Sippe im Elsass niider, styyge z Basel d Yybrüch rasant aa. Am Bahnhof bättlets efangs an jedem Egge und in dr Freye gseesch alpott Zigyynermusikante. Die Meinig wird dir ämel vermittlet, wenn divärsi Schwyzer Zyttige duesch lääse.

Mir Junge hän-ys gfroggt, eb me das alles so eifach ka pauschalisiere. Ischs denn wirklig eso, as d Zigyyner eifach us Plausch dien yybräche? Nämme d Yybrüch wirklig zue, wenn e Sippe in Saint-Louis duet cämpe? Oder gseet d Realität andersch us?
Schlussändlig gits nur ebbis: dr Sälbschtversuech! Drey Dääg lang sin mir Junge als Bättler, Yybrächer, Kesselfligger, Woorsager, Schueputzer, Mässerschlyffer und Stroossemusikante unterwägs. Fazit wird spöter zoge… (mehr …)

Sujet2009: Em Säuli si Dood

Gäld elaige macht nit gliggligg – s muess eim au no gheere!

• Vortrab: hänn no e Stutz
  
• Reggwysyt: kasch ha fir e Stutz
• Binggis: hänn no e Stutz
• Lampe: dr Säulifriedhof;
• Pfyffer: hänn kai Stutz
• Majoor:isch die letschti Sparsau
• Dambuure: hänn kai Stutz

Als Junge hesches nit eifacher wie die Alte! Ganz egal was de in dr Freyzyyt wottsch mache, immer wird alles tyyrer. Ob Glaider, Sport, Kino oder Mc Donalds – de bruchsch jedes Joor mee Stutz! Mir hän ys gfroggt, was me eigentlig no fir EI Stutz bikunnt… und s Ergäbnis isch nit wirklig rosig gsi!

Wenn fir jedes Röggli oder jedi DVD scho muesch s Sparsäuli schlachte kunsch jo mit em Spare nie uf e griene Zwyyg! So kas nit wytergoo – entweder es git mee Sagggäld oder d Pryyse wärde ändlig emol fir die Junge apasst! Wie selle mir Junge irgendwenn emol e Fahrpriefig mache, wenn mir in dr Freyzyyt immer gschröpft wärde? Wie wänn mir uns e Velo kaufe, wenn me derfir e Joor lang miesst schaffe? Wär zaalt ys unseri Skiferie wenn niene mee Schielerpryyse gälte?

Es isch e Verzwickti Situation! E jeedes Weekend goots em Säuli an Graage! E jeedes Weekend isch em Säuli sy Dood… (mehr …)

Sujet2008: kai Zyt

Vortrab: Kai Vortrab
Reggwysyt: Kai Reggwysyt
Binggis: Kaini Binggis
Lampe: Kai L ampe
Pfyffer: Kaini Pfyffer
Majoor: Kai Majoor
Dambuure: Kaini Dambuure

.Um was gohts denne do? Sorry kai Zyt fir erklärige…. (mehr …)

Sujet2007: Baustell Basel

• Vortrab:  laufendi Verkehrsschilder
• Reggwysyt: Abschrankige und Verbotsschilder
• Binggis: laufendi Verkehrsregler   
• Lampe: Alles im Bau     
• Pfyffer: Bauarbeiter      
• Majoor: Dr Vorarbeiter  
• Dambuure: Schwerarbeiter

Basel e ainzigi Baustell.. iberall finsch Abschrankige, kunnsch nimme dure, wird ghämmeret und boort… (mehr …)

Sujet2006: fasnacht hui, streetparade pfui

• Sujet: Fasnacht hui – Streetparade pfui
• Vordraab: mache das Joor mit an dr FASparade
• Requisit: isch e Waggismobil 
• Ladäärne: macht Muusig
• Pfyffer: mache dradizionell Fasnacht
• Hedi: luegt uff d Fasnacht und uff d Streetparade
• Drummler: sinn an dr Streetparade

Ganz Ziiri (und au dr Räschte vo dr Schwyz) segglet an d Streetparade. Blutti Keerper, luti Musig, Alkohol, Droge, Sauglatismus… Derbyy ischs gröschte Openair vo dr Wält doch in Basel! Was gits scheeners als drey Dääg offe? E Plädoyer fir d Basler Fasnacht – frey nach dr JG (mehr …)