JG-FASNACHT 2013 : Fasnachtsmuseumsloos
Sujet: Mir sin Fasnachtsmuseumsloos – drum geen mir jetzt uff d’ Stroos
Basel gilt als eini vo de europawyt bedytendschte Museums- und Kulturstedt – und doch het die wältwytt bedytendschti Fasnacht no käi äiges Museum!
Anschynend syg s Problem, ass me bis jetzt schlichtwägg no käi gäignets Plätzli gfunde het.
Dorum ergryfft d JG vo der Spale jetzt sälber d Initiative und bringt die Museumsexponat äifach uff d Strooss!
Si präsentiere uns die bedytendschte Fasnachte uff däre Ärde in der folgende Formation:
- Voordraab: Entfiert uns in d Wält vom Carnaval do Rio
- Binggis: kemme diräggt vom Carnevale di Venezia
- Pfyffer: Kölner Karneval – halte uns zem Naare
- JG Tamboure: Basler Fasnacht – sinn aifach numme scheen
- Yyschrybige 2013: Kumm doch au zur Junge Garde vo dr Spale Clique