Drummeli 2011: dr Spalier

Drummeli 2011: dr Spalier

           

S‘ Drummeli 2011 het grandiosis Kritike gärntet.. und au unsere Uffdritt het wirklich super usgseh !! do muess e diggs Komplimänt an unser Drummeli OK rund um e Dänny Sarti ane!… An’s Musical Theater het me sich schnäll gwöhnt.. d‘ Bühni isch gar nümme e so kaibe Gross gsi wie im Mässesaal.. me verlauft sich uf jede Fall nümme :-).. mit em neue Foyer isch me jedoch bis am Schluss noonig so warm worde… die wenige Aktive wo denn doch jede Oobe no bliibe sinn hänn sich denne au no zwüsche Foyer und dr Hafebaiz vor dr Türe zerstreut… dört isch es  zwüsche de Matrose denne au no  stimmig gsi… hoffentlich het in de näggschte Joor d‘ Bar im Foyer wieder länger offe.. dr Rum wär uff jede Fall toll im Musical Theater.. jetzte müe numme no die Aktive wieder bliibe denn het het das au wieder  Zuekunft!

Für’s   S‘ Drummelivideo, interview, mit em Däny Sarti,  e Teil vom Drummeliblog und Impressione vo dr Drummelibühni muesch do wyterläse

  1. Drummelivideo
  2. Drummeli Interview Radio Basel mit Däny Sarti
  3. Drummeliblog
  4. Drummelibilder
  5. Drummeli.ch
  6. fasnacht.ch

Drummelivideo

Radio Basel interviewt dr Däny Sarti Chef Spale-Drummeli-OK

https://spale.ch/wp-content/uploads/2011/08/dummeliinterview2011.mp3

Drummelibilder

 

Drummeliblog

Donnschtig 2.3.2011: Jetz am Mittwuch hänn mir ys und au die andere Clique, an die neue Gegäbeheite vom Musical-Theater gwöhnt. Es sinn scho am halb 8i Spalemer in dr Garderobe, Ypfyff-/Drummel-Passerelle, Foyer, Stäägehuus, ummegwuuslet. Also d Christelle han ych bis am 21.45 Uhr niene gseh.
Geschter ha ych dr Sans Gene bim Yspiele zuegloost, sie bringe „dr Inka“. Deent no rächt scheen!!
Dr Breo ihre Uffdritt isch au guet, es stellt sich numme d Froog worum als däne ihri Damboure nie könne uf de Drummle ruesse!? Vor 2 Joor hänn sie uf de Särg ummebolderet und jetz mien si klatsche…
Wo Pause gsi isch im Drummeli, hänn sich au 4 Spalemer uf dr Wäg ins Foyer gmacht, huii isch das e Gedrugge gsi. So sinn sie halt ins BMG-Zält go Gedrängg hole. Bim wieder zruggmarschiere isch ihne sogar e Bächer gäh worde, damit Gläser und Fläschli nit im Foyer bliibe. Das find y no flott, jetz wird me sogar zem bschysse/Gäld spaare belohnt!!
Denn isch phingtligg am 22.00 Uhr d Spale dra gsi zem Yspiele, d Instruggdore hänn ys ytrichteret, dass jetz bereits Mittwuch wär und sich jetz Bequämlichkeit, Loggerheit uva. ischlyyche und mir ys selle konzentriere. Das hänn mir denne au gmacht.
Nach em duudle und ruesse simmer wieder ins Foyer uf e Uffdritt go warte. Do losst dr Flo use, dass är an dr Derniere gar nit do sig, will er Bilett fir denn heb, jä wär stoht denn vorne links? Dr Michi het denn grad organisiert und es sott jetz klappe. Uf dr dunggle Bihni hinder em Vorhang han y denn no d Julia am Ärmel gschnappt, dass dr linki Pfyfferegge in dr 1. Reihe als erschts uf dr Bihni parat stooht und die andere sich eifacher kenne ygliedere. Das het glaubs rächt guet klappt. Dr Tambourmajor het sini arbeit au souverän erledigt, niemerts isch z’nooch bim Stogg (wo eh scho kaputt isch) gstande. (Das isch so kho, will mir Pfyffer uf Awyysig sotte neecher an Bihnerand stoo und so em Major neecher kemme. Wieso? Dr Dänny het mitdeilt, dass mir bitzli fyyn däte überekho, anderi Clique verstärggt wurde, mir aber nit, y hoff es bringt eso ebbis).

Nach em Uffdritt isch s Foyer aber scho rächt läär gsi und so sin die meischte wieder frieh heime gange (d Bar het schliesslig au scho lang zue gha – do het e jeede bitz wehmietig ans alti Foyer dänggt, wo um die Zyt no niemerts ans heigoo dänggt het).

Bis morn, y muess jetz go schaffe Lächeln Claudine

Mittwuch 2.3.2011: Schön isch es, uf dr neyye Drummeli-Biihni im Musical-Theater derfe z’stoh. Hinter em Ygang fir uf d Biihni paggt eim e Wälle voller Mystik. Wenn denn sZeiche gäh wird, dass mir ys hinter em Vorhang paratmache selle, gseht me, wie alli sich no d Larve und dr Huet versueche perfäggt uf e Kopf z’bekho und denn wirds ganz dunggel und still…..nei, es raschlet ganz arg, wär isch das wohl? Isch es dr Werni wo duet uffstoh und absitze? Ok. dr Raschel-Werni isch geboore, gäll Patricia?
Denn kunnt dr Momänt wo alli sich aluege dien, s Schyssdräggziigli zieht los, z’mitzt uf d Biihni – e paar hänn das am Mändig au zu däre Zyt gschafft – dangg em Comité-Maa mit de lange graue Hoor „hopp Spale, go go go uf d Biihni“ – hüt isch niemerts mit vor dr Vorhang gloffe – uff!! Dr elleinigi Pfyffer stimmt sini druurigi Melodie aa (druurig, wills drurig isch, wie dä pfyfft) und scho kunnt dr „Melanie-Dr.Vollmond“ uf d Liinwand und jetz ka me sage: „Go Spale, go!“ Es isch für mi Empfinde e super Uffdritt gsi. Es isch niemerts z’frieh vor dr Vorhang gloffe, es het keine e Drummle lo keie, wie am Mändig :o) und döönt hets au super!! Het mir freud gmacht und denn dä Aplaus. Dä wird au immer besser!!
Luschtigi Erläbnis vom Drummeli allgemein gits jo schliesslig au. Hesch gwüsst, dass es durchuss nit numme Noochdeil het, wenn de als letschti Clique dra bisch? S Foyer isch fascht läär und wenn de nach em Uffdritt in d Aggtyyvebeiz uffe gosch go sitze, no griegsch je nach däm gratis Wirschtli und Kääskiechli uf e Tisch :o).

Do s Drummeli in däm wunderscheene Theater bi vyyle Aggtyyve d „Kiechli“-Stimmig wieder ufferlääbe duet, dängg ych au an die luschtige Derniere-Gags wo’s damals gäh het….macht d Spale ächt au ebbis? Ei Idee isch scho gfalle, me kennt de Steinlemer d Wüschmops vo de Dächli go stibitze oder mir geehn go singe mit de Schnuurebegge…oder mir mache ebe nyt!? Uf jeede Fall dängg y, isch es sinnvoll, wenn me am Frytig/Derniere bereits am halb 8i vor Ort isch. Luschtig wirds allewyyl!

Bis morn Claudine