Spale Stamm Fasnacht 2017: Kopf Hoch

Spale Stamm Fasnacht 2017: Kopf Hoch

           

Mit eme lachende Gsicht hoch über de rund hundert Köpf isch dr Spale Stamm Zug an dr Fasnacht 2017 durch d Stadt gloffe und het drmit d Uffmerggsamkeit vo noch und färn uff sich zoge. S Wätter isch alles in allem eher grau und nass gsy, insbesondere am Mäntig isch me in de Pause tröchnet und denn aber püngtligg zum Ablaufe widr nass worde. Aber d Fasnacht isch jo nur eimol im Joor. D Lüt am Strooserand hets Wätter uff jede Fall nid gstört und es sin flyssig Fotis mit unserem Zug gmacht worde und me het bi Gross und Glai villi grossi Auge gseh.

Bilder und no meh findsch miteme Klick:

FasnachtsBilder

(Fotografe: Nathalie Bucher, Flavio Magliozzi, Matthias Lanz)

Sujettext

By all däne Brobleem domools, wie hitte, kaasch dy heebe an ainere Sach unbestritte: Aimool im Joor nämmlig kaasch Fasnacht fyyre. Gedangglig  s ganz Joor duesch druff aanestyyre. Bisch vellig gligglig oder kaasch au saage, s isch wie d Frau Fasnacht dy duet uff Hände traage. Mer wänn alles vergässe und fyyre, muesch verstoo und unseri Sorge aifach aimool uff dr Syte loo Herrlig all das Dryybe, die Faarbe und au Deen! Laufe dien mer in dr Clique als „Kopfhoch-Cleen“. Däne druggt s Lääbe dr Kopf au ständig z Boode nieder, doch heebe si ihn uffe immer, immer und immer wieder. (Niggi)

Media

Sowohl in de soziale Medie wie Instagram simr verträte gsy…

🤡 #fasnacht #basel #hossen

Ein Beitrag geteilt von Marjolein (@marjolean) am

als au im SRF Querschnitt:

 

Mit dr Fasnacht ’17 z Änd gange isches denn wie allewyl uf em Rimmeli. Adiee Fasnacht – bis zem näggschte mol am 19. Hornig 2018

Aadie Fasnacht, aadie Lääbere, griezi Alldaag… #ändstraich #fasnacht #fadomo #schmutzfleck #stadtreinigung

Ein Beitrag geteilt von Matthias Walk (@haempfeli) am