Offiziells 2007
Au diesmol het d Spale am Offizielle mitgmischlet und im Final mitpfyffe- und drummlet. Härzlichi Gratulation an alli wo mitgmacht hän und die tolle Plätz sich erdrummlet- und pfyffe hän. Sisch nit sälbverständlich uf sonere Biini, wie uf em Bildli näbedra gseh kasch, z stoh und e Marsch vor dr Jury und em Publikum zum beschte z gä. Vyyle Dangg für dä tolli Ysatz vo Jung und Alt.
und do e baar Wort vom Värslibrinzlermajor:
Kemmet bitti alli neecher – s wär scheen!
so schoon ych mi Stimm – vor allem bi de hoche Deen!
Wenn me duet iebe – au dert, wo me duet woone
ka s sy, dass sich daas emoll duet loone.
Vor allem fir die, wo am Offizielle
an de letschte Daag ihr Kenne hänn zaige welle –
drum bricht ych hitt – was es driber z brichte gitt!
Bi den alte Kläpplidrugger – hetts ganz erfolgrychi Spugger
Patrick Bloch, Nicole Lehner, Dominique Saladin und d Claudine Rippstei(n)
sinn mit ussgezaichnete Saal-Räng 17,14,11 und 10 wiider hei
Daas macht doch mumm – und ab dr Fabienne Stocker keisch glatt um!
E Finalplatz isch persee e diggi Sach und saumässig guet
und fir dr sensationelli Platz 12 zieh ych my Huet!
Bi de alte Kalbfällstrychler drummle zwai vom Stamm
dr Daniel Platter und dr Sascha Herzog steen fir is stramm
s ruesst unser Duo infernal – uff die sagehafte Räng 11 und 14 im Final!
und jetze no was hesch was gisch – wär als Grubbe zämmegstanden isch!
Michi Jerlo, Nicole Lehner, Flavio Magliozzi, Claudine Rippstein, Dänny Sarti
und Sarah Zwiller bi de Pfyffer
dr Sascha Herzog, Dani Platter und Ralph Tschudin bi de Stäggligryffer!
D Flötegrubbe; me ischs sichs scho fascht gweent – hett finalwiirdig deent
Dr grossartige Finalplatz 8 als Resultat; botzduusig – dasch denn nit ebbe luusig!
au d Kibelbuebe brätsche schynts no rächt synkron
e bombe Saalrang 6 isch dr verdient Loon!
unser allerheggschti Anerkennig an alli, wo ihr Beschts hänn gäh!
natyrligg au bi de Junge – und jetz isch Zyt, dass mir die dra dien näh
Mir fangen aa mit de Pfyffergrubbe gross und glai
Baidi im Final! Welli wyter vornen isch, isch aigentigg ainerlai
Marius Engel, Stephanie Hediger, Anna Oberholzer, Pascal Sarti, Janina Stöckli und Sina Toffol – s wird meh als numme eschtimiert
hänn mit em wahnsinns Platz 5 brilliert!
Julia Herter, Dominique Saladin, Jessica Sarti, Susan Spitz, Florian Stähli und Jan Waldner gänn alles bis zem letschte Räscht –
und gumpe als irrsinnigi 3. uff s Bodäscht!
D Ainzelpfyffer hänn alli drei; ych drau mirs fascht nit zverkinde
e Finalplatz kenne ergattere; wie duet me daas denn finde?
Dr Florian Stähli pfyfft uff e geniale Rang 10
Fir d Jessica Sarti hetts dr mega Platz 8 gäh
und d Stephanie Hediger hett aifach eso
dr unglaubligg Rang 5 mithaime gno!
Im Namme von allne an alli Offizielle-Spalemer in Globo
Gratulazioon, Respäggt und fir Schulterklopfe und Schmitzli sinn sicher alli doo no…
In däm Sinn und SpaleGaischt bis zem näggschte Joor
Härzliggscht – Eure Majoor!
Ranglischte
JG: Einzel Pfyffer
JG: Pfyffergruppe
|
Alt: Einzel Pfyffer
Alt: Einzel Tambouren
Alt: Pfyffergruppe Final 8
Alt: Tambourengruppe Saal 6
|