Dr Mörder isch d Blumebot gsi

Pfyffer und Vorträbler als Mordkomission unterwäägs

vom Oliver us em Vortrab

Scho wie im letschte Joor hän sich Pfyffer und Vorträbler für iire Heerbschtbummel zammegeschlosse. Dr 17. Sebdämber 2022 isch es drnoo gsi. Noch vyyl überlege und abklääre, hend Florence, d Sandra, d Fabienne und dr Yves iires Überraschigsbrogramm bienander kaa. Die erschte hen sich zem Zmorge im “La Manufacture” droffe. Am halber ains ischs drnoo so richtig mit em Bummel losgange. Oder doch nit?

Die Erschte wo yytroffe sin, hen gstuned, as vom OK niemer derte gsi isch. Per Whatsapp sin dann Pfyffer und Vorträbler informiert worde, as sy mien dr Wäg zue dr Location zerscht als Uffgoob suche (natiirlig mit Hywiis). Alli hen könne däne Hywiis folge und sin richtig bim Lohnhof als Gruppe akoo. Derte hen Gaschtgäber e Apéro serviert und Teilnähmer hän das sehr gnosse und sich uff dr Nomidaag ystumme.

Wyter ischs bi de Barfüsserkirche gange. Mir sin funere Dame us de “Mordkomission” in Empfang gno worde und sy het is instruiert, as mir jetzt zu de Abteilung “Morkomission” ghöre und e Mordfall miend uffkläre. Die einzelne Gruppe sin mit Details versorgt worde und drno ischs los gange ….

Wer het d Vicky Meier verschosse? Isch es iiri Mitbewohneri Seraina Fischer gsi? Oder iir Chef oder sunscht e unbekannti Person? Die einzelne Gruppe sin aträtte mit em Ziel am Änd d Lösig könne zpräsentiire. Mr het miesse y ganz Basel ummenander laufe, Lüüt byfrooge, Spuure suche und am Schluss …. Wer isch es gsi? Dr Blumebot het die Vicky verschosse.

Noch dem fulminante mörderische Stadtlauf simmer im Glaibasel ind Braurerei, resbegdive näbe dra im Wyylokal ykeert und hen e feine Znacht gnosse, mit guete Gesprööch und e gselliger Rundi.

Dr Daag isch im “Schall und Rauch” usklunge und wird no lang in Erinnerig bliibe. Härzlige Dangg and Organisatoore und allno, wo dail gnoo hän.