S Laaferi 2023 – Spitzbueb meets Äntli

Au im 2023 isch s Laaferi wieder e volle Erfolg gsi für alli wo s organisiert und alli wo mitgmacht hänn. So au für unseri Jungi Garde! Mit dr Mischig usem Marsch «dr Spitzbueb» vom Stefan und dr Barbara Freiermuth und dr Melodie vom «Alli mini Äntli» hänn vo de Jüngschte bis zu de Ältischte alli könne uf d Bühni stoh und zämme drummle und pfyffe. Au d Krayejoggelis hänn als Äntli e super Uftritt gmacht und für dr Jööh-Faktor gsorgt.

Dank dr Verpflegig am Fritig im Käller vo de Grachsynfoniker und am Samschtig im Antygge-Käller isch au zwüsche de Vorstellige immer öbbis los gsi. Usserdäm hänn sich alli bim gmeinsame spiele während dr Wartezyt beschtens amüsiert!

Fotos von Andy Soldan