Dr Florian het si letschte Bummel in dr IG für uns Revue passiere lo.. merci:

Es isch Sunntig, dr 15. März 2009: Dr Bummel isch jedes Joohr ebbis Speziells! Noch de Drey Scheenschte Dääg, wenn dr ganzi Zauber ummen isch, alli Räppli  verschwunde sin und dr Alltag wieder aagfange het, isch d Fasnacht scho fascht wieder für e Joor verbi- aber zum Glück nur fascht! Denn an drey Sünntig derfsch nomol das herrliche Fasnachtsgfyhl erläbe, wenn die ganzi Stadt läbt und `s durch alli Gässli ruesst und pfyfft! Au das Joor isch dr Bummel für die Jungi Spale wieder ebbis ganz Bsunders gsi. Für e paar sogar dr erschti oder aber au dr letschti Bummel mit dr Junge Garde. Mir hän ys am viertel ab zääni am Bahnhof SBB troffe und sin zämme uf Laufe gfahre. Dert hän mir in dr warme Sunne kenne gässle und hän denn am Mittag e super feins Ässe becho, was jo au nid sälbstverständlich isch! ….. (mehr …)

Sujet2009: Em Säuli si Dood

Gäld elaige macht nit gliggligg – s muess eim au no gheere!

• Vortrab: hänn no e Stutz
  
• Reggwysyt: kasch ha fir e Stutz
• Binggis: hänn no e Stutz
• Lampe: dr Säulifriedhof;
• Pfyffer: hänn kai Stutz
• Majoor:isch die letschti Sparsau
• Dambuure: hänn kai Stutz

Als Junge hesches nit eifacher wie die Alte! Ganz egal was de in dr Freyzyyt wottsch mache, immer wird alles tyyrer. Ob Glaider, Sport, Kino oder Mc Donalds – de bruchsch jedes Joor mee Stutz! Mir hän ys gfroggt, was me eigentlig no fir EI Stutz bikunnt… und s Ergäbnis isch nit wirklig rosig gsi!

Wenn fir jedes Röggli oder jedi DVD scho muesch s Sparsäuli schlachte kunsch jo mit em Spare nie uf e griene Zwyyg! So kas nit wytergoo – entweder es git mee Sagggäld oder d Pryyse wärde ändlig emol fir die Junge apasst! Wie selle mir Junge irgendwenn emol e Fahrpriefig mache, wenn mir in dr Freyzyyt immer gschröpft wärde? Wie wänn mir uns e Velo kaufe, wenn me derfir e Joor lang miesst schaffe? Wär zaalt ys unseri Skiferie wenn niene mee Schielerpryyse gälte?

Es isch e Verzwickti Situation! E jeedes Weekend goots em Säuli an Graage! E jeedes Weekend isch em Säuli sy Dood… (mehr …)

Intärns Bryysdrummlen und -pfyffe vo dr Junge Spale – 2009 unter em Sujet “Spalympics” isch wieder emol e hit gsi.. viele Dank all de Mitwirkende und vor allem em Organisationsteam mit em Obervärslibrünzler.

Danggerscheen!

S internationale spalympische Comité danggt allne Konkurränte, Zueschauer, Hälfer und Mitwirkende fir dr sensationelli Oobe im KuSpo!
Merci allne Konkurränte vo de Binggis und de Junge, wo elaige oder inere Grubbe uf d Bihni gstande sin. Merci allne Konkurränte vom Stamm, wo just for fun uf d Bihni gstande sin – quasi als Training firs Offizielle.
Merci allne Zueschauer wo im Saal uf dr Glimmstängel verzichtet und nach jedem Byytrag klatscht hän! Chapeau! Merci allne Spalemer and friends wo dr Saal bevölkeret hän.
Merci allne Hälfer wo vom Morge am 10i bis z’ Nacht am 2 uf de Wegge gstande sin. Merci allne extärne Hilfskräft wo Frondienscht gleischtet hän, damit dä Aloss het kenne iber d Bihni go!
Merci dr Alte Garde, em Stamm, de Junge, de Ermitage-Schränzer, em spitzige Ryssblei, de Pfyffer- und Dambouregrubbene, em Mike Shiva und allne andere Mitwirkende uf dr Bihni.

Es goht wyter… 2010 – glychi Zyt, glyche Ort

«Die Nummer 1 der Schweiz sind “wir”!»

Das können 6 JG-ler lauthals singen. Am Eidgenössische Jungtamboure- und Pfifferfeschd in Zofige (EJTPF) erreichten mit der UFS Basel Stephanie und Florian Hediger, Benjamin und Florian Stähli, Céline Saladin und Pascal Sarti den ersten Rang in der Kategorie “Tambouren/Pfeifer-Sektion” und können sich nun als erste “Juniorenschweizermeister” feiern lassen! In der Kategorie “Pfeifer Sektion” erreichtend die jungen UFSler den zweiten Rang und die Tambourengruppe belegte in ihrer Kategorie den ausgezeichneten 6 Rang in einem wie gewohnt sehr starken Teilnehmerfeld! Ein eindrückliches Wochenende – trotz Dauerregen – für unsere jungen Vertreter und eine verdiente Belohnung für viele Übungsstunden – Gratulation und Respekt! Sisch aifach “tiiip tooop” 😉 !!!! saletti – hedi

E ganzes Weekend, e ganzi Burg fir eim ganz elaige? DAS gits nur im Mittelalter… oder in dr Spale!
Bi scheenschtem Friehligswätter isch s Spalapfi 2008 iber d Bihni gange. Drei Dääg Sunne, Robin Hood, Drummle, Pfyffe und vor allem Lagerstimmig. Und das alles nur e Katzesprung vo Basel entfärnt – nämlig uf dr Burg Rotbärg in Mariastei.
Wenn nur s uffelaufe nit gsi wär :- (mehr …)