Spale-Clique

    syt 1927 uff dr Gass

JG-FASNACHT 2013 : Fasnachtsmuseumsloos

Sujet: Mir sin Fasnachtsmuseumsloos –  drum geen mir jetzt uff d‘ Stroos

SpaleJungiGarde_Fasi2013_22Basel gilt als eini vo de europawyt bedytendschte Museums- und Kulturstedt – und doch het die wältwytt bedytendschti Fasnacht no käi äiges Museum!
Anschynend syg s Problem, ass me bis jetzt schlichtwägg no käi gäignets Plätzli gfunde het.
Dorum ergryfft d JG vo der Spale jetzt sälber d Initiative und bringt die Museumsexponat äifach uff d Strooss!
Si präsentiere uns die bedytendschte Fasnachte uff däre Ärde in der folgende Formation:

Fasnachts- und Zeedelvideo

(mehr …)


Kumm doch zer Spale

jg_flyerHett di s Fasnachtsfieber paggt? Bisch e Maitli oder e Bueb ab dr erschte Klass? Wottsch au Fasnacht mache? Denn bisch bi uns genau richtig!
In unserer Junge Garde kasch mit e huffe andere Junge s Ghaimnis vo dr Fasnacht entdecke. Du leersch bi uns in dr Pfyffer- und Drummelschuel au alli Grundlage zem aggtiv an dr Fasnacht z pfyffe und z drummle.

Die näggschte Yyschryybige fir die Jungi Garde finde am Samschtig 27. Februar und 05. März 2016 statt. Kunsch eifach am Noomidaag zwüsche 14:00h bis 16:00h in Spalekäller. Dert kasch erfaarene Fasnächter dini Frooge stelle und kriegsch alli Infos wo de bruchsch zem starte. (mehr …)


Spaledöörli 2013 – Sparledörli

spaledoerli2013

Spare isch Trumpf! Das Joor ligge mir mit em “Sparledöörli” voll im Trend: iberall wird gspart, kürzt und umpriorisiert. Mir hän drum das Joor e ganz e billigs Spaledöörli zämmegstellt: keini extärne Gescht, wenig Dekoration, kei Schnickschnack und e üsserscht kurzwyyligs Oobeprogramm. Mir hän sogar d Keschte fir eigeni Teggschter yygspart und kopiere ungeniert bi fremde Autore…Das het insgesamt zwei grossi Vorteil:
– Erschtens kemme unseri Junge als wichtigschts Guet vo dr Spale no mee zur Gältig. Dä Aloss isch fir unsere Nochwuggs – und dä Nochwuggs wämmer entsprächend in Szene setze.
– Zweitens ka s OK und dr JG Vorstand dangg de Yysparige vo däm Sparledöörli richtig fett zwei Wuche uf d Maledive go relaxe.
s OK & dr JG Vorstand
(Quelle s‘ Brogrammheftli vom Spaledörli 2013)

(mehr …)


Offiziells 2013-1x Silber, 1x Bronze und e super Cliquekünschtler!

Rang 3 Pfyffergruppe: Nicole Meyer-Lehner, Sarah Zwiller, Claudine Rippstein, Flavio Magliozzi, Laurent Burdet, Niggi Zittel

Rang 3 Pfyffergruppe:
Nicole Meyer-Lehner, Sarah Zwiller, Claudine Rippstein, Flavio Magliozzi, Laurent Burdet, Niggi Zittel

Rang 2 Solo Duo: Sascha Herzog und Katrin Minder (wild)

Rang 2 Solo Duo: Sascha Herzog und Katrin Minder (wild)

Härzligi Gratulation an alli wo am Offizielle 2013 mitgmacht hänn! Es het sensationelli Finalplatzierige gäh mit 3 Einzelpfyfferinnne im Final ! (Nicole, Dominique, Claudine) em Sascha wo si Könne als Tambour erneut im Final zem Beschte gäh het. Zwei Pfyffergruppe im Final drvo no eini in de Räng !! Dr gmischte Gruppe hets jo knapp nit ins Final glängt aber im Solo Duo sin 3 Gruppierige mit Spalebetailigung im Final gsi (Sascha/Katrin(w), Christelle/Christian, Claudine/Dominic(w))- eifach Super! Und unsere Cliquekünschtler het au an d‘ Segg miesse und het e super Helge gmoolt!

Mir könne also au das Johr wieder stolz si uf die unseri Spale und zwar  uff alli wo am Offizielle mitgmacht hän au wenns nit allne in dr Final glängt hät. Denn es ghört e gueti Portion Muet drzue sich uff ere Bühni gäge enander z’Mässe! Mir

Rang 7 Solo Duo: Christian Walk / Christelle Palma

Rang 7 Solo Duo: Christian Walk / Christelle Palma

hoffe ihr machet wyter so  au bi de Junge und gratuliere allne ganz härzlich au für die tolle Saal platzierige!

(mehr …)


Spale am 2. Eidgenessisches Damboure- und Pfyfferfescht

****SPALE-Flash****

2. Eidgenessisches Damboure- und Pfyfferfescht

Die Jungi UFS hett am Wuchenänd in Savièse (VS) am 2. Eidgenessisches Damboure- und Pfyfferfescht dr „Schwyzermeister“-Titel verdeidigt und darf sich nomoll vier Joor die bescht Gmischti Sektion vom Schwyzerische Tamboureverband nenne.

Drzue hett d Pfyffer Sektion dr erscht Platz wiidr zrugggholt und d Damboure Sektion isch als drittplatzierti (T2) die bescht Basler Gruppierig gsi.

Vo dr Spale sinn drby gsi: Georg Angehrn, Olivier Boog, Florian & Stephanie Hediger, Ria Meyer, Céline Saladin, Michelle Unternährer, Moritz Würth

Drzue isch als Pfyfferinstruktor wiidr dr Florian Stähli und als (Co-)Damboureinstruktor dr Christian Walk meh als mitverantwortligg gsi fir dä tolli Erfolg!!

Im Ainzelwettkampf (mehr …)


JG am jugendfest spale quartier 2.9.2012

infos 2. septämber:

Schuelhuus Wasgering (welschmattstroos 30)

was?
jugendfest spale quartier
wo?
schuelhuus wasgering (welschmattstroos 30)
wenn?
sunntig 2. septämber 2012, 08:20, umzug goht c.a. 1 stund, mit pause. aaschliessend gits e glaini vrpflägig
c.a. 09:45 bis 10:00 ischs fertig
mitnäh:
piccolo, drummle (numme jg), dambourmajorstägge, wenn meeglig schwarzi hose, wisses t shirt/pullover (fallses kalt si sott).
beglaitig:
christian walk, ariane schwaiger, michèle rosser
abmälde:
binere beglaitperson

bitte sms an christian 079 412 81 86 (ich bi in dr rs und ka keini telifoon abnäh!)

Willsch no meh infos zum Jugendfescht? denne lueg doch do


Spaladies am Glygge Grimpeli 16./17. Juni 2012

S Maitli Team „SPALADIES“ (wie genau spricht me das jetzt us?) isch als Titelverteidiger aadrätte. Hochmotiviert, hocherhitzt, (fascht) hochbegabt, hocherfolgrych…

Spaladies goes for Final !!!!

Nach emene 1:0, 0:0 und emene 5:0 plus zweimool 3:0 forfait isch me als Vorrundesyger
souverän in d Halbfinals yzooge. Nachdäm d Petra emene Saupfund vo soneme saubleede Schutter niidrgstreggt worden isch (Notfall und allem drum und dra – Merci Flo…) und drfir d Melanie drzuegstoosen isch, hett dr ney Maischtercoach Baschi Lehmann wiidr us em Volle kenne schepfe. Dausig Chance und e 4:0 hänn d Spaladies in Final brocht – *sing* Finaaale ooohoo – Finaaaleeeee ooohoooo… (mehr …)


Bummel 2012 – Jungi Garde Spale

Uf d Fasnacht folgt dr Bummel, und dä het unseri Jungi Garde nach Lieschtel gfiert. Es isch e schöne Tag gsi und e es het wieder emol e würdige Abschluss unterem Spaledoor gäh.. und mir hän glück ka, denn es heisst ab morn wird s‘ Spaledoor umbaut und wägem Grüscht ka me dört gar kai Ändstraich me abhalte.. de Stamm losst sich denne überrasche oder öbbis lo yyfalle.. mir wärdes gseh
E riese Dank und Applaus fir dä glatti Bummel an s Bummel OK Janina, Pascal und Marius

Do kasch e paar Bilder vom Oobe aaluege (Laurent/Flavio)

Spale Jungi Garde: Bummel-Ändstraich unter em Spaledoor

kumm doch au zer Spale

Gässle mit der Spaleclique 🙂


JG-FASNACHT 2012: Zumba-Fieber

Sujet:Zumba- Fieber

«Mir sin im Zumba-Fieber» lautet das Sujet der Jungen Garde für die Fasnacht 2012. Zumba heisst die neue Art seinen Körper in Form zu halten. Die Verschmelzung von Tanz und Fitness wurde vom kolumbianischen Fitnesstrainer «Beto» Perez erfunden und zuerst in den USA eingeführt. Zumba erfreute sich grosser Beliebtheit und wurde schnell zum welt- weiten Kult. Zumba vereint heisse Latino-Rhytmen mit einfach nachzumachenden Bewegungen zu einem einzigartigen Fitnessprogramm.

«Mir danze durch d Gasse zu Piccolo- und Drummelkläng» – Die Junge Garde zeigt an der Fasnacht, wie Zumba langsam auch auf die Fasnächtler übergreift.

Der Zug gliedert sich wie folgt:

  • Voordraab macht no Fasnacht und danzt nooni, aber d Binggis sinn scho halbwäggs vom Zumba-Fieber befalle
  • Requisit isch Zumba puur
  • Ladäärne zaigt Zumba puur
  • Die wo pfyffe  sinn im heggschte Zumba-Fieber
  • Dambuurmajoor kunnt go Fiebermässe
  • Die wo drummle sinn au im heggschte Zumba-Fieber

(mehr …)


Offiziells 2012- Sensationell 2 x Silber und Kupfer!

Pfyffer Einzel Jungi Garde: Michelle Unternährer Rang 2 – GässlerTamboure Einzel Stamm: Sascha Herzog Rang 2 – Winschdi

Pfyffer Einzel Jungi Garde: Michelle Unternährer Rang 2 – Gässler und Tamboure Einzel Stamm: Sascha Herzog Rang 2 – Winschdi

Härzligi Gratulation an alli wo am Offizielle 2012 mitgmacht hänn! D‘ Sensation isch perfekt mit zweimoligem 2. Rang vom Sascha Herzog (TA Stamm) und  Michelle Unternährer (PF Jungi) und zweimoliger 3. Rang platzierig in dr gmischte Gruppe bi de Alte und im Solo Duo mit Spalebetailigung!!!!

Im Final 2012 isch d’Spale in allne Kategorie Verträtte gsi woruf mir stolz könne si und es sinn folgendi sensationelle Plätz belegt worde:

(mehr …)