Spale-Clique

Am letschte Sunntig hän mir uns am nüni am Morge uf em Bahnhof SBB troffe. Mit em Zug sin mir denne uf Zofige gfahre, wo mir am 11fi hän könne afo Pfyffe und Drummle. Nodäm guete z Mittagässe isch d Reis wyter uf Olte gange. Noch e paar schöne Rundene in dr Altstadt isch Ruggfahrt uf Basel uffem Programm gstande.Nachem Källerhalt hän mir in Basel die letschte Stunde vom Bummel gässelnd gnosse bis am Zääni unterem Spaledoor dr letschti Värs vom Spaledöörli und vom Wettstei pfyffe und drummlet worde isch.

E grosses Danggschön ans OK: Sarah Baumann, Christelle Palma, Fabienne Stocker

Sujet: Ah, tschau China
Vordraab: isch s Volgg
Requisit: isch uf 2 Räder
Ladäärne: isch no ghaim
Pfyffer: sin Doongrieger
Hedi: isch dr danzendi Lei
Drummler: sin Doongriege

D’ Chinese kömme, e gwaltigi Zahl an Mensche sinn uf dr Überholspuhr was wirtschaftlichi Entwicklig und Resourcebedarf abelangt. Aber im Bereich Menscherächt und Staatssyschtem blyybe sie witerhin im letschte Johrhundert. Die wachsendi Macht macht Angscht me seht sich ere Armee im Glychschritt gegenüber wo eim überrollt.. dorum kunnt d’ Spale als warnig mit dr Terracottaarmee derhär. (mehr …)

Sujet2006: fasnacht hui, streetparade pfui

• Sujet: Fasnacht hui – Streetparade pfui
• Vordraab: mache das Joor mit an dr FASparade
• Requisit: isch e Waggismobil 
• Ladäärne: macht Muusig
• Pfyffer: mache dradizionell Fasnacht
• Hedi: luegt uff d Fasnacht und uff d Streetparade
• Drummler: sinn an dr Streetparade

Ganz Ziiri (und au dr Räschte vo dr Schwyz) segglet an d Streetparade. Blutti Keerper, luti Musig, Alkohol, Droge, Sauglatismus… Derbyy ischs gröschte Openair vo dr Wält doch in Basel! Was gits scheeners als drey Dääg offe? E Plädoyer fir d Basler Fasnacht – frey nach dr JG (mehr …)

D’ Spale stellt 2x in Folge d’ Pfyfferkeenigin bi de Junge.. sensationell und Pfyffergruppe katapultiert sich au uff e erschte Rang!!! 5 Finalischte bi de Junge und 2 bi de Alte do gits nimme vyyl z’sage.. als z’ gratuliere!!

.

(mehr …)

… oder s Fasnachtsfieber stygt! Dasch sicher bi jeedem Fasnächtler eso,
aber wenn foots denn aa aim tschuudere?

Quelle: Us em Krayejoggi Nr. 158 | Fasnachts-Ussgoob 2006

Wenn me d Blaggedde ka ans Revers hänge oder wenn me an die erscht Marschiebig goot oder wenn me d Eellimpe am Vogel Gryff gheert d Feschtspiil zerleege? S isch ebbe verschiide und doch hett e jeede sy ganz
bestimmti Vorfasnachtserinnerig. Im spezielle wenn me grad nonem Baum verruume die grooss Schissle firehoolt und mit Räppli fillt und zmitts in d
Stuube stellt oder wenn me kuum ka erwarte jeede Daag e Faschtewajie und Fasnachtskiechli zmampfe …
Im Stamm bruuchsch bstimmti Vorfraid-Aaraiz, wie Drummeli (aggtyv oder passyv), Pfyfferli-Biljee bstelle oder Spalungge schmigge, um in d Stimmig zko. Doch wie gsehts bi unserne Jungen us? Mir hänn zwai Gnäggis gfroggt, was fir si Vorfasnacht isch – baidi hänn e bsunderi Fasnacht vor sich … (mehr …)