S’ Hündli het yygschlage und alli marschiere mit hohe Absätz… di ainte göhn spöter und die andere sofort wieder go umzieh..   und die aintere ohni Drummle göhn an Schlusspfyff… wo das Johr wirklich e wunderschöns Intercliquespontiabschlussspektakel het könne entstoh – so viel Gänsehut ka me gar nit mitnäh wenn e Pauke und alli Clique veraint dr 10 Värs uuselön – e wunderschöns Drummeli 2009 isch das gsi (mehr …)

Intärns Bryysdrummlen und -pfyffe vo dr Junge Spale – 2009 unter em Sujet “Spalympics” isch wieder emol e hit gsi.. viele Dank all de Mitwirkende und vor allem em Organisationsteam mit em Obervärslibrünzler.

Danggerscheen!

S internationale spalympische Comité danggt allne Konkurränte, Zueschauer, Hälfer und Mitwirkende fir dr sensationelli Oobe im KuSpo!
Merci allne Konkurränte vo de Binggis und de Junge, wo elaige oder inere Grubbe uf d Bihni gstande sin. Merci allne Konkurränte vom Stamm, wo just for fun uf d Bihni gstande sin – quasi als Training firs Offizielle.
Merci allne Zueschauer wo im Saal uf dr Glimmstängel verzichtet und nach jedem Byytrag klatscht hän! Chapeau! Merci allne Spalemer and friends wo dr Saal bevölkeret hän.
Merci allne Hälfer wo vom Morge am 10i bis z’ Nacht am 2 uf de Wegge gstande sin. Merci allne extärne Hilfskräft wo Frondienscht gleischtet hän, damit dä Aloss het kenne iber d Bihni go!
Merci dr Alte Garde, em Stamm, de Junge, de Ermitage-Schränzer, em spitzige Ryssblei, de Pfyffer- und Dambouregrubbene, em Mike Shiva und allne andere Mitwirkende uf dr Bihni.

Es goht wyter… 2010 – glychi Zyt, glyche Ort

Basel isch und blybt e Monarchie… am Sunntig 8. Hornig 2009 sin seeeer frieh am Morge d Keenigskroone vergää worde. Mit derbyy an vorderschter Front dr Dätschmeischter Hedi als OK-Chef und etligi Spalemer wo hinter dr Biini derfir gsorgt hän, as dr Aloss so problemlos het kenne duregfiert wärde. Messi an däre Stell allne Hälfer und Hälferinne!

E Gränzli winde muess me aber denn au dene, wo syt Wuche trainiert hän, zem uf dr Biini s Beschte z gää. Merci allne, wo sich au das Joor de stränge Auge und Oore vo dr Jury unterworfe hän. Wie allewyyl hets au das Joor e Huffe Spalemer im Final gha! Chapeau! Es isch e Fraid gsi zem zueloose! (mehr …)

«Die Nummer 1 der Schweiz sind “wir”!»

Das können 6 JG-ler lauthals singen. Am Eidgenössische Jungtamboure- und Pfifferfeschd in Zofige (EJTPF) erreichten mit der UFS Basel Stephanie und Florian Hediger, Benjamin und Florian Stähli, Céline Saladin und Pascal Sarti den ersten Rang in der Kategorie “Tambouren/Pfeifer-Sektion” und können sich nun als erste “Juniorenschweizermeister” feiern lassen! In der Kategorie “Pfeifer Sektion” erreichtend die jungen UFSler den zweiten Rang und die Tambourengruppe belegte in ihrer Kategorie den ausgezeichneten 6 Rang in einem wie gewohnt sehr starken Teilnehmerfeld! Ein eindrückliches Wochenende – trotz Dauerregen – für unsere jungen Vertreter und eine verdiente Belohnung für viele Übungsstunden – Gratulation und Respekt! Sisch aifach “tiiip tooop” 😉 !!!! saletti – hedi