Spale-Clique

Für d Fasnacht 2024 isch unseri Spale Jungi Garde mit em Sujet ‘Mir sage “Aadie Kinostross”’ unterwägs gsi und hän de diversä Kino-Schliessige in dr Steinevorstadt nochetruurt. E kunterbunte Zug us divärse Kinofigure isch so am Mäntig und Mittwuch durch d Stadt zoge.

Wotsch au go Fasnacht mache? Denn lueg doch uf unserer Site Kum doch zer Spale

Vom 03. – 10. Februar 2024 isch d Spale mit Hofnaar uf dr Drummeli Bühni gstande. In dr Eventhalle vo dr Mäss Basel hämr an 8 Vorstellige unter em gmeinsame Motto “zämme” jewils unsere Marsch in Hofnaar-Kostüm, igrahmt vo grosse Spiegel und voreme super Hintergrundbild vortreit.

Witeri Bilder:

Am vergangene Wuchenänd isch in Savièse/Wallis s eidgenössiche Tambouren- und Pfyyferfäscht gsi. E grössere Deligation vo d Spale-Clique isch derbyy gsi und het im hart umkämpfte Umfäld glänzt. Aus Fäscht sälber mit Umzug und strahlendäm Sunneschyy het passt.

Unsri Pfyyfergruppe het an 2 tolle Ufftritt und miteme legendäre “Hanswurscht” de 12. Rang erpfiffe. Au i de gmischte Sektione isch es glunge e super 11. Rang z erspiile.